ROMA 3:12 - KITTA' MATANGKASA'

¹² Napakabella ngasemmi kalenna taua battu ri Allata'ala; sala oloang ngasemmi taua. Tena manna sitau a'gau' baji'; manna sitau tena todong!

ROMA 3:12 Referans Kwoze

PAMMUJI 14:3

Mingka sikontu taua sala gau' ngasemmi siagang panra'mi, manna sitau tania' a'gau' baji'.

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YESAYA 59:8

Tena nuusahai passiamakkanga, siagang sikontu panggaukannu tena ngaseng naadele'. A'lekko-lekkoi batenu a'jappa, siagang tena nalamate'ne tau amminawanga ri anjo oloanga.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.

FILEMON 1:11

Riolo tena matu-matunna mae ri kau; mingka kamma-kamma anne sanna'mo lompona matu-matunna. Tena nauntu' ikauji bawang, passangalinna untu' inakke pole.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

MATIUS 25:30

Na anjo palayang tenaya matu-matunna pelaki assulukang ri tampa' sassanga. Anjoremmi langngarru' siagang lasessa!’ ”

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

PAMMUJI 53:1

Untu' pamimping pakelong. Situru' lagu Mahalat. Kelong pangngajara'na Daud.

KALAPPASSANG 32:8

Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

PAMMUJI 53:3

Battu ri suruga Naciniki Batara umma' rupataua, untu' amboyai tau annabaya siagang anynyombaya ri Ia.

ROMA 3:11

tena manna sitau ammahang siagang tena manna sitau anynyomba ri Allata'ala.

ROMA 3:13

Sangkamma mami jera' tassungke karro'-karro'na ke'nanga. Sangnging balle-balle mami napau lilana, siagang sangnging pitina mami ri bawana, sanrapang lila ulara' niaka racunna.