ROMA 15:8 - KITTA' MATANGKASA'

⁸ Nasaba', u'rangi, le'ba'mi Nalayani Almasi tu Yahudia, lanri ero'Na Napappicinikang angkanaya ma'nassa jarreki Allata'ala ri janjinNa, naNarupaimo anjo janjinNa mae ri boe-boeta.

ROMA 15:8 Referans Kwoze

MATIUS 15:24

Appialimi Isa ri anjo bainea, Nakana, “INakke nisuro mangejA' bawang ri bansa Israelka, la'biangampa ri tau sala oloanga.”

YOHANES 1:11

Battui ri pa'rasangang KalenNa mingka tanitarimayai ri bansaNa.

2 KORINTUS 1:20

Nasaba' le'ba'mi Allata'ala angkana “Iyo” mae ri sikontu janjinNa, tete ri KalenNa Isa Almasi. Lanri kammanami anjo nakiangkanamo “Aming” mae ri Allata'ala, tete ri KalenNa Isa Almasi. Kammami anjo nagaukanga ikambe sollanna nipakala'biri' Allata'ala.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

ROMA 3:3

Mingka antekamma punna nia' sitangnga tu Yahudi tena namajarre'? Maka iaminjo passabakkang nala'jari talajarrekamo Allata'ala?

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

ROMA 3:26

Mingka kamma-kamma anne Natuntu'mi Allata'ala dosa-dosaya, lanri ero'na Napa'butti kaadelanNa. Kammaminjo carana, naNapappicinikammo katojenganNa; na inai-nai tappa' mae ri Isa, Napa'nyatami mae ri anjo taua angkanaya assibajikimi ammotere' siagang Allata'ala.

LAMPA-LAMPANA 13:46

Mingka pila' baranimi Paulus siagang Barnabas a'bicara silambusu'na. Nakanamo ke'nanga, “Musti nipabattu memangi rolong kananNa Allata'ala mae ri kau ngaseng. Mingka lanri tenana nuero' antarimai, jari kalennu tommi ampattantui angkanaya tena nusiratang antarimai katallassang sitojennaya siagang satunggu-tunggua. Jari kamma-kamma anne kubokoi ngaseng mako, nampa a'lampa ikambe mae ri bansa maraenga.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

1 KORINTUS 15:50

Ia natabaya kanangku, sari'battangku ngaseng, iamintu: anjo tubu nipa'jaria battu ri assi siagang cera', takkulleai antama' ri Lino BeruNa Allata'ala; siagang anjo tubu akkullea mate takkulleai a'jari tubu mannannungang.

1 KORINTUS 10:29

Ia natabaya kanangku iamintu, teai nyawanu bata mingka nyawana anjo taua. Nia' kapang akkuta'nang angkana, “Jari, musti nibatasi kabebasangku lanri batana nyawana tau maraenga?

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

1 KORINTUS 10:19

Apa nataba anne kanangku? Anjo barhalaya siagang kanre nipassareanga ri barhalaya tena sikali matu-matunna.

1 KORINTUS 1:12

Natabaya kanangku iamintu nia' ri kau angkana, “Inakke amminawanga' ri Paulus,” nia' angkana, “Inakke amminawanga' ri Apolos,” nia' todong angkana, “Inakke amminawanga' ri Petrus,” kammayatompa nia' angkana, “Inakke amminawanga' ri Almasi.”

PANGNGEBARANG 8:7

Apa kupaua, annaba ngasengi, saba' kukabirisi balle-ballea.