ROMA 15:33 - KITTA' MATANGKASA'

³³ Poro Allata'ala, akkullea assarei salewangang rupataua, anrurungang ngasengko lalang ri katallassannu. Aming!

ROMA 15:33 Referans Kwoze

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

1 KORINTUS 14:33

Anjo Allata'ala Nangai apa-apa niatoro' bajika; taNangaiyai apa-apa tenaya nabaji' atoro'na. Kamma nigaukanga ri sikontu jama'aNa Allata'ala,

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.

EFESUS 6:23

Poro Allata'ala Manggea, siagang Batara Isa Almasi ansarei pakkulle sikontu jama'aka untu' assamaturu' siagang assikamaseang kammayatompa tuli tappa' mae ri Almasi.