Biblia Todo Logo
Bib sou entènèt

- Piblisite -




ROMA 14:19 - KITTA' MATANGKASA'

19 Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

Gade chapit la Kopi




ROMA 14:19
28 Referans Kwoze  

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.


Usahakangi sollannu akkulle assiama' ngaseng siagang taua lalang tallasa'nu.


Teako appasuluki kana-kana ja'dala', siagang teako nungai akkala' annipua.


Mingka ikatte musti nipakasannangi atinna paranta tau untu' kabajikanna, sollanna pila' katambang jarre'na tappa'na mae ri Allata'ala.


Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.


Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.


Anjo ce'laya bajiki; mingka punna a'jari la'bamo, maka akkulle iji nipa'jari ce'la poleang? Jari paralluko sanrapang ce'laya. Sikatutuiko lalang ri tallasa'nu.”


Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!


Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.


Jari, apa ngaseng battuanna anne, sari'battang? Punna a'rappungangko ero' anynyomba ri Batara, bajiki punna nia' akkelong, nia' angngajara', nia' ampabattui apa-apa battua ri Allata'ala, nia' a'bicara siagang bicara appakalannasaka siagang nia' ampakasingaraki battuanna anjo bicara appakalannasaka. Mingka yangasenna anjo musti nugaukangi untu' angngajara' siagang untu' kabajikannu ngaseng.


Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.


Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!


Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.


Pakaingaki ke'nanga sollanna tena naparhatikangi anjo carita nipare'-pareka siagang carita pattottorang tenaya la'bu'-la'busu'na. Yangasenna anjo kammaya sangnging pa'beseranji naerang, siagang tena napakamajui jama-jamanNa Allata'ala ia akkullea niasseng tete ri katappakkang bawang mae ri Ia.


Gassingka nukana ngaseng anne siapa sallona erokka' alliliangi kasalangku mae ri kau. Sala pahang sikaliko antu. Naassengi Allata'ala angkanaya yangaseng anjo napaua ikambe situruki ero'Na Almasi. Sikontu anjo apa kigaukanga iamintu untu' ambangung ngasengi tappa'nu.


Mingka punna nabokoi anjo taua bainenna yareka bura'nenna Karistengamo, teako tahangi. Laluasako ri anne passalaka, nasaba' Nakellai Allata'ala sollannu tasisala-salaya lalang ri katallassannu.


Kamma-kamma anne ri passala'na kanre nipassareanga mae ri barhalaya. Memang annabai apa napaua taua angkana, “Ikatte cara'de' ngaseng maki'.” Mingka anjo kacara'dekanga akkulle napa'jari tampo taua; na anjo pangngamaseanga akkullei nabangung kalenna taua.


Nia' tau angkana, “Akkulleki' anggaukangi sikontu apa eroka nigaukang.” Annabai! Mingka tayangasenna anjo apa ningaia a'matu-matu ri katte. “Akkulleki' anggaukangi sikontu apa eroka nigaukang” – mingka tayangasenna anjo nikaerokia akkulle ambangungi katallassanta.


Kabalekkanna, inai-nai ampabattui biritta battua ri Allata'ala, rupataua napabattuang anjo birittaya; iamintu sollanna napakajarre' taua, nasarei sumanga', kammayatompa nasaleori ke'nanga.


Inai-nai a'bicara lalang bicara appakalannasaka, kalennaji bawang napakajarre'; mingka inai-nai ampabattui biritta battua ri Allata'ala, natulummi jama'aka sollanna akkulle pila' maju jama'aka.


Teai sipato' baji'na punna akkulle ngasengko a'bicara a'rupa-rupa bicara appakalannasa'. Mingka la'bi kaminang bajika punna akkulleko ambirittakangi sikamma rancanaNa Allata'ala. Nasaba' lompoangangi anggaranna appabattua biritta battu ri Allata'ala, naia a'bicaraya siagang bicara appakalannasa'; simmaraengi punna akkulleja napakasingariang jama'aka anjo bicara napaua, sollanna nia' matu-matunna mae ri sikontu jama'aka.


Kammami anjo Nagaukanga, sollanna nipasadia baji' Umma'Na Allata'ala sollanna akkulle nalayani Batara siagang nabangung TubuNa Almasi.


Swiv nou:

Piblisite


Piblisite