ROMA 14:1 - KITTA' MATANGKASA'

¹ Musti nutarimai siagang baji' tau lammaya tappa'na sangkamma sari'battannu. Teako a'geakki siagang ia ri passala' panggappana.

ROMA 14:1 Referans Kwoze

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

ROMA 15:7

Lanri kammana, paralluko massing sitarima siagang te'ne pa'mai', sangkamma nitarimanu todong ri Almasi untu' ampakala'biriki Allata'ala.

ROMA 14:21

Bajikangang teako angnganrei dageng yareka teako angnginungi anggoro' yareka teako anggaukangi apa-apa mamo, punna passabakkang ia anjo na'jari doraka sari'battang julu tappa'nu.

2 YOHANES 1:10

Lanri kammana, punna nia' tau battu siagang nabirittakang mae ri kau pangngajarang tenaya Napangngajarrangi Almasi, teako tarimai anjo taua antama' ri balla'nu; tea tongko a'barisallangi mae ri ia angkana “Salamakko.”

ROMA 4:19

Anjo wattua naassemmi Abraham angkanaya tenamo olona lakkulle anggappa ana', nasaba' toa sikalimi nasa'ring kalenna, nasaba' la'birimmi narapi' sibilangngang taung umuru'na; la'biangampa pole, nasaba' tau tamanang bainenna, iamintu Sara. Mingka manna nakamma, tena na'jari kurang tappa'na Abraham.

LUKAS 17:2

Bajikangangi punna nigentungi batu kallonna nampa nipela' antama' ri tamparanga anjo tau kammaya, kala la'jaria passabakkang na'gau' dosa kalase'renna sikamma anne tau ca'dia.

MATIUS 14:31

Linta'mi Isa anta'galaki limanna. Nampa Nakana, “O Petrus, anne ikau kurang tappakko. Apa saba'na nanubata-bata?”

MATIUS 12:20

TalaNata'bangai bulo ta'dundua TalaNabunoai kanjoli ca'dia rinrana. Lappattujuangi sa'genna a'rupa kaadelanga;

YESAYA 42:3

Bulo ta'dundua talanatepokai, kanjoli ca'dia rinrana talanabunoai. Majarreki lanapa'nyata katojenganga,

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

AYUB 4:3

Jai tau le'ba' nusare pangngajarang, na ia lammaya nupakajarreki.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

FILIPI 2:29

Jari, tarimami siagang te'ne pa'mai'. Pasangkammai sari'battannu, lanri a'julu tappa'nu. Pakalompo ngasengi sikamma tau kammaya ia.

YOHANES 13:20

Annaba tojengi anne kanangKu: Inai-nai antarimai tau Kusuroa, Inakkemi natarima. Na inai-nai antarimA', natarima tommi anjo assuroa ri Nakke.”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

ZAKHARIA 11:16

Nasaba' nia' sitau pakalawaki laKusuro untu' anjagai sikamma gimbalakKu, mingka tena najampangi gimbala' tappelaka; tena naboyai gimbala' sala oloanga, tena todong naballei gimbala' bokkaka, kammayatompa tena nasarei kanre gimbala' attallasaka ija. Ba'lalo ia kalenna angkanrei dagenna gimbala' kaminang co'moka siagang nabi'buki sikamma kanukunna anjo olo'-oloka.

MARKUS 7:19

Nasaba' anjo apa antamaya tena nanjoreng ri nyawaya numalo; passangalinna anjorengi ri parruka numalo, nampa assulu' poleang.” Battu ri akkana kammana Isa, naNapakasingara'mo angkanaya sikontu apa-apa nikanrea hallala' ngasengi.

LAMPA-LAMPANA 28:2

Sanna' ngaseng baji'na tuma'buttana anjo puloa mae ri kambe. Natarima maki' baji'-baji' siagang naparinrang maki' pepe' nasaba' appakkaramulami turung bosia kammayatompa sanna' tommo dinginna pakkasiaka.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

ROMA 14:2

Nia' tau nakana a'rupa-rupai kanre-kanreang akkulle nakanre. Mingka nia' todong tau lammai tappa'na nanakana gangang-ganganji akkulle nakanre.

ROMA 14:3

Inai-nai a'rupa-rupa akkulle nakanre, teai nacini' tunai tau kanre-kanreang attantuaji bawang nakanre; na inai-nai kanre-kanre attantuaji bawang nakanre, teai napasalai tau a'rupa-rupaya nakanre, nasaba' anjo taua nitarimami ri Allata'ala.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

IBRANI 5:14

Anjo kanre terasaka untu' tau toaya; nasaba' lanri nia'namo pangalamanna akkullemi naasseng angkana kereanga baji' siagang kereanga kodi.