ROMA 13:8 - KITTA' MATANGKASA'

⁸ Teako kainrangangi apa-apa mamo manna pole ri nai, pantaranganna kainrangang pangngamaseanga ri massing para ikau. Nasaba' inai-nai angkamaseangi paranna tau, sangkammami angkanaya nagaukang ngasemmi apa-apa Napassuroanga Allata'ala le'baka napabattu Musa.

ROMA 13:8 Referans Kwoze

ROMA 13:10

Inai-nai angkamaseangi paranna tau, tena olona la'gau' ja'dala' ri paranna tau. Jari inai-nai angkamaseangi paranna tau, sangkammami angkanaya nagaukang ngasemmi sikamma apa napassuroanga hukkung agamaya.

GALATIA 5:14

Nasaba' anjo sikontu bonena hukkung agamaya le'ba'mi nipakabodo a'jari se're hukkung, iamintu angkanaya, “Parallui nukamaseang parannu tau sangkamma nukamaseanna batangkalennu.”

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

YAKOBUS 2:8

Nugaukammi annabaya, punna nugaukang hukkung Kakaraengang niaka tattulisi' lalang ri Kittaka angkanaya, “Paralluko angkamaseangi parannu tau, sangkamma nukamaseanna batangkalennu.”

KOLOSE 3:14

Siagang kaminang parallua iamintu: musti sikamaseangko nasaba' iaminjo pangngamaseanga ampa'jari se're ngasengko, sa'gennu a'jari sukku'.

YOHANES 13:34

Kusareko parenta beru: Massing sikamaseangko. Sangkamma bateKu angkamaseangko, kamma tomminjo musti sikamaseang ngasengko.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.