ROMA 12:12 - KITTA' MATANGKASA'

¹² Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

ROMA 12:12 Referans Kwoze

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.

YAKOBUS 5:7

Lanri kammana, sa'bara' ngasengko sari'battang, sa'genna battu Batara. Ciniki antekamma sa'bara'na palamung-lamunga antayangi wassele' lamung-lamung lompoa anggaranna mae ri ia. Sa'baraki antayangi wattu bosia siagang wattu pa'rapponna lamung-lamunna.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

KOLOSE 4:2

Paralluko tamalanrea appala' doang siagang a'jaga-jaga, kammayatompa appala' sukkuru' mae ri Allata'ala.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

PANGNGEBARANG 10:28

Panrannuanna tau bajika ampa'jari mate'nei; panrannuanna tau ja'dalaka tena sikali bonena.

IBRANI 10:32

U'rangi antekamma lampa-lampana katallassannu ngaseng ri wattu allaloa. Anjo wattua, ri wattunnu Nasiori cayaNa Allata'ala, teai sipato' jaina pa'risi'nu; mingka tuli majarrekko attahang siagang akkareso.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

PAMMUJI 109:4

Natudua' ke'nanga, manna nakukamaseang ke'nanga, siagang kupappala' doangammo ke'nanga.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

PAMMUJI 40:1

Untu' pamimping pakelong. Pammujina Daud.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

2 PETRUS 1:6

siagang sipa'rurunganna pangngassenganga, parallu tongko akkulle ampakalewai kalennu, siagang sipa'rurunganna ampakalewai kalennu, parallu tongko ampa'biasai kalennu sa'bara' andallekangi sikontu apa-apaya. Sipa'rurunganna sa'baraka andallekangi sikontu apa-apaya musti nuturuki tongi ero'Na Allata'ala lalang ri katallassannu.

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

2 TESALONIKA 1:4

Iaminjo saba'na natuli nacaritako ikambe punna mangeki' akkunjungi jama'ah-jama'aNa Allata'ala nakipuji ngasengko ri alla'na sikamma jama'aNa Allata'ala. Lompomi pa'mai'na ikambe ancaritai antekamma majarre'na tappa'nu mae ri Almasi ri tangnga-tangngana passessaya siagang kapa'risang nukasiaka.

1 KORINTUS 13:13

Jari kamma-kamma anne nia' tallunrupa parallu nigaukang iamintu: matappa', ma'minasa siagang mangngamaseang; na ia Kaminang Lompoa ri anne tallua, iamintu, mangngamaseanga ri tau maraengang.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

LUKAS 21:19

Punna sa'barakko siagang attahangko, lanipasalamakko.”

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.

TITUS 3:7

sollanna lanri lammoro' pangngamaseanNa Isa nakiakkullemo assibajiki ammotere' siagang Allata'ala kammayatompa nakigappamo katallassang sitojennaya siagang katallassang mannannungang niminasaia.

2 TIMOTIUS 3:10

Mingka ikau nuturukimi sikamma pangngajarangku, panggaukangku, siagang pamangeanna katallassangku. Nucini'mi kalennu antekamma attojeng-tojengku tappa' ri Isa Almasi, kasa'barrangku, pangngarimangngingku siagang pangngamaseangku ri paranta tau.

FILIPI 3:1

Jari, sari'battangku ngaseng, paralluko marannu lanri asse're mako siagang Batara. Tena nabattala' kusa'ring ampau poleangi apa le'baka kutulisi' mae ri kau riolo; nasaba' anjo bajiki untu' kasalamakkannu.

2 KORINTUS 12:8

Pintallunga' appala' doang mae ri Batara sollanna akkulle nipasulu' anjo garringa battu ri kalengku.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

LAMPA-LAMPANA 12:5

Jari nitahammi rolong Petrus lalang ri tarungkua; mingka tuli appala' doang dudumi sikontu jama'aka mae ri Batara sollanna Narurungangi Petrus.

LAMPA-LAMPANA 6:4

nasaba' eroka lanajama ikambe iamintu appala' doanga siagang ampabattui kana-kananNa Allata'ala.”

LAMPA-LAMPANA 2:42

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

LUKAS 10:20

Mingka manna nakamma mamo, teako rannu dudui punna amminawammo roh-roh ja'dalaka ri parentanu. Bajikangangi punna rannuko lanri tattulisi'mi arennu lalang ri suruga.”

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”