ROMA 12:11 - KITTA' MATANGKASA'

¹¹ Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

ROMA 12:11 Referans Kwoze

LAMPA-LAMPANA 18:25

kammayatompa le'ba'mi niajara' sollanna naasseng pangngajarranga ri passala'na Isa. Mingka nampami sa'genna passala' pa'je'ne' nagaukanga Yohanes naasseng. Mingka manna nakamma sanna'mi lompona sumanga'na angngajara'. Naajara' baji'-baji'mi taua ri passala'na Isa.

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

IBRANI 12:28

Lanri kammana, paralluki' appala' sukkuru' mae ri Allata'ala, lanri nitarimana battu ri Allata'ala, kakaraengang tenaya nakkulle ta'goccang. Paralluki' appala' sukkuru' siagang mappakala'biri' anynyomba mae ri Ia siagang malla', situru' cara Nakaerokia KalenNa Allata'ala.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

LAMPA-LAMPANA 20:19

Kupa'jari tunami kalengku, siagang jaimi assolong je'ne' matangku ri wattunna kugaukang jama-jamanNa Batara. Kukasia'mi pa'risika lanri kaja'dallanna tu Yahudia mae ri nakke.

MATIUS 24:12

Teai sipato' jaina kaja'dallang alla'bang ri kere-keremae, sa'genna jai sikalimi tau tenamo nangngasseng angngamaseang.

PANGNGEBARANG 10:26

Teako assuroi tau malasa', appakabirisi'ji bawang, sanrapang cukka appatilu gigi yareka umbu appakapacce mata.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

KALAPPASSANG 5:17

Appialimi karaenga angkana, “Malasa' ngaseng memang tongko siagang taerokako anjama. Iaminjo saba'na nuppala' ising ri nakke untu' a'lampa mange assare koro'bang ri Bataranu.

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

PAPPICINI' 2:4

Mingka nia' Kukabattallang mae ri kau ngaseng, iamintu: Tenamo nanukamaseangA' sangkamma ri pakaramulanna.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.

1 KORINTUS 7:22

Nasaba' punna nia' se're ata tappa'mi mae ri Batara, anjo taua a'jarimi umma'Na Batara siagang a'jarimi tau bebasa'. Na punna nia' tu bebasa' a'jari tappa'mo mae ri Batara, a'jarimi atanNa Almasi.

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

PANGNGEBARANG 31:15

Ri bari'basa' dudua ambangungi appasadia kanre untu' bone balla'na, siagang untu' ambagei tugasa' palayang-palayanna.