ROMA 11:7 - KITTA' MATANGKASA'

⁷ Jari antekamma? Tanagappayai bansa Israelka anjo apa naboyaya ke'nanga. Anggappayai, iamintu sipa'rappungang ca'diji tau, ia le'baka Napile Allata'ala. Ia maraenganga, a'jari kapala batu ngasengi mae ri pakkio'Na Allata'ala.

ROMA 11:7 Referans Kwoze

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 11:5

Kamma tomminjo kamma-kamma anne: nia' siapa are jaina tau le'ba' Napile Allata'ala lanri pangngamaseanNa bawang.

EFESUS 1:4

Ri wattu tenanapa nipa'jari anne linoa, le'ba' memang maki' Napilei Allata'ala tete ri Almasi; sollanta akkulle a'jari umma' matangkasa'Na, tenaya callanna ri dallekanNa. Lanri pangngamaseanNa Allata'ala,

2 KORINTUS 3:14

Katongkokammi pikkiranna ke'nanga. Na sa'genna ri kamma-kammaya anne sanrapangi tuli natongko' iji bongong pikkiranna ke'nanga ri wattunna nabaca anjo kitta'-kitta' parjanjiang salloa. Iapa nakkulle tassungke anjo bongonga punna a'jari se're taua mae ri KalenNa Almasi.

ROMA 9:23

Mingka ero' tongi ampappicinikangi mae ri katte kate'neang masukkuka, ia Napassareanga mae ri katte tau Nakamaseanga. Kamma-kamma anne Napasadia maki' untu' antarimai anjo kate'neanga.

FILIPI 1:18

Mingka tena nangngapa! Nasaba' manna pole antekamma, iaka nanigaukang anjo jamanga lanri pattujuang baji' yareka napattujuang sala, mingka kanibirittakang mangkaji Almasi; jari, sannangi kusa'ring pa'maikku. Na tuli lakammana sannanna pa'maikku;

1 KORINTUS 10:19

Apa nataba anne kanangku? Anjo barhalaya siagang kanre nipassareanga ri barhalaya tena sikali matu-matunna.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

ROMA 6:15

Jari, kamma-kamma anne apa bodona bicaraya? Maka akkullei nigaukang dosaya nasaba' tenamo nakirawangang kakoasanna hukkung-hukkung agama Yahudia passangalinna irawangang kakoasanNa pangngamaseanNa Allata'ala? Tena sikalia!

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.

YOHANES 12:40

‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

LUKAS 13:24

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

PANGNGEBARANG 1:28

Anjo wattua lakkio' ngasengko mae ri nakke, mingka talappialia'. Lanuboya' ri kere-keremae, mingka talanubuntula'.

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.

MARKUS 6:52

Anjo passala' roti limambatu appakalannasaka tenapa napahangi ke'nanga. Sukkara' sikali napahang ke'nanga.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.