ROMA 11:17 - KITTA' MATANGKASA'

¹⁷ Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

ROMA 11:17 Referans Kwoze

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

YEREMIA 11:16

Le'baki Kuareng ke'nanga poko' zaitun coppong leko'na, rassi siagang rappo-rappo baji'. Mingka, kamma-kamma anne lalang sa'ra gamarrung lompo laKutunu ngasengi leko'na siagang laKutepo' ngasengi tangke-tangkenna.

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.

MATIUS 21:43

Nakanamo pole Isa, “Jari u'rangi angkanaya, yangasenna ha'nu a'jari umma'Na Allata'ala lanialleangko ammotere', nampa nipassareang mae ri bansa maraenga, eroka anggaukangi ero'Na Allata'ala. [

PAMMUJI 52:8

Nacini'na anjo kammaya, la'jari malla' ngasemmi tau bajika, nampa nakakkaliko na nakana,

KOLOSE 2:13

Riolo, le'ba'mi mate katallassang rohaninu lanri dosanu, siagang lanri tenana nisunnakko ri lahere'nu. Mingka kamma-kamma anne nipabangung poleang mako ammotere' ri Allata'ala siagang Almasi. Le'ba'mi Napammopporang sikontu dosata,

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PAPPICINI' 11:4

Anjo ruaya sa'bi iamintu rua poko' zaitun siagang rua bangkeng lampu niaka ri dallekanNa Batarana sikontu linoa.

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

ZAKHARIA 4:3

Ri sa'ri kairinna siagang kananna anjo lampua nia' rua poko' zaitun.”

YUNUS 1:16

A'jari sanna'mi malla'na anjo sikamma ana' kappalaka mae ri Batara, siagang ri wattunna battu ke'nanga ri bontoa, assaremi ke'nanga koro'bang siagang a'rupa-rupami passala' napa'janjiang mae ri Batara.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

PAOLE 8:8

Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.

GALATIA 2:15

Memang, battu ri kalassukanta ikambe tu Yahudiki'; teai “bansa maraeng, iamintu bansa dorakaya”.

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

ROMA 11:24

Ikau teaiko bansa Yahudi, sanrapangko tangke-tangke battu ri poko' zaitun tenaya niparakai. Jari, punna ikau tenaya nacoco' sipa'nu, mingka akkulleko sanrapang nipacangko' mae ri anjo poko' zaitun aslia, la'biangampa pole anjo tu Yahudia sanrapanga tangke-tangkenna anjo poko' zaitun aslia. Tantu la'bi akkulleangangi Napoterang Allata'ala ke'nanga mae ri poko' zaitun kalenna todong ke'nanga.