ROMA 10:4 - KITTA' MATANGKASA'

⁴ Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

ROMA 10:4 Referans Kwoze

GALATIA 3:24

Jari anjo hukkung agamaya a'jari sanrapangi pajaga mae ri kalenta, sa'genna battu Almasi ampassibajikiki' ammotere' siagang Allata'ala, lanri tappatta mae ri Almasi.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

IBRANI 10:14

Jari, tete ri se'rea koro'bang, Napasukku'mi Almasi matangkasa'na sikamma taua battu ri dosaya.

KOLOSE 2:17

Yangasenna anjo poro bayang-bayannaji bawang apa-apa labattua; mingka lampa'nyatayai sikammaya anjo iamintu Almasi!

KOLOSE 2:10

Na lanri asse'renamo katallassannu siagang Almasi, nisare tommako katallassang sukkuka. Nasaba' Almasi a'jari kapala mae ri sikontu roh-roh makoasaya siagang ammarentaya.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

GALATIA 4:5

Lanri kammanami anjo naNalappassammo sikamma tau attallasaka irawangang kakoasanna hukkung agamaya; sollanta akkulle todong a'jari ana'-ana'Na Allata'ala.