ROMA 10:1 - KITTA' MATANGKASA'

¹ Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

ROMA 10:1 Referans Kwoze

YOHANES 5:34

NaKupau anne, teai lanri paralluKu ri kasa'bianna rupataua, passangalinna sollannu akkulle ngaseng nipasalama'.

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 15:35

Sa'genna kala'busang tallasa'na, tenamo nale'ba' assibuntulu' pole Samuel siagang Saul. Mingka si'nai pa'mai'na Samuel lanri assesse' lalanNa Batara angngangkaki Saul a'jari karaeng mae ri Israel.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

ROMA 10:2

Barania' ampaui angkana sanna' lompona sumanga'na ke'nanga anynyomba mae ri Allata'ala. Mingka anjo sumanga'na ke'nanga tena nasituru' pangngassengang battua ri Allata'ala.