ROMA 1:12 - KITTA' MATANGKASA'

¹² Ia natabaya kanangku iamintu, nasaba' para tappa' ngaseng maki' mae ri Isa Almasi, jari paralluki' massing sipakajarre'.

ROMA 1:12 Referans Kwoze

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

2 KORINTUS 7:13

Iaminjo saba'na nanisaleorimo atinna ikambe. Pantaranganna panynyaleoria, ba'lalo sanna'mo rannuta anciniki karannuanna Titus; ikau ngasemmi le'ba' ansaleori atinna.

ROMA 15:32

Sa'genna, punna Nakaerokang Allata'ala, akkullea' battu mae ri kau ngaseng siagang baji'. Nakuakkulle anggappa panynyaleori ri tangnga-tangnganu ngaseng.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.

2 YOHANES 1:4

Sanna' rannuku lanri kuassenna angkanaya nia' ana'-anatta attallasa' situru' ajaranNa Allata'ala, situru' Napassuroanga Allata'ala Manggea mae ri katte.

2 TIMOTIUS 1:4

Kuu'rangi kasi'nanna atinnu. Iaminjo saba'na kuero' dudumo angngagangko sicini', sollangku akkulle a'jari rannu tojeng-tojeng.

EFESUS 4:5

Se'reji bawang Batara, se'reji katappakkang, se'reji pa'je'ne',

ROMA 15:24

Sallang punna a'lampa' mange ri pa'rasangang Spanyol, erokka' assengka ri kota nupammantangia; nakuma'minasa sollanna akkulleki' assibuntulu', nakukkulle a'rannu-rannu sinampe' siagang ikau ngaseng. Napunna le'baki anjo, kuminasai sollanna akkulle ngasengko ambantua' untu' anjo pa'lampangku mange ri Spanyol.

ROMA 1:11

Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

ROMA 1:13

Sikamma sari'battangku! Eroki kupappiassengang ri kau ngaseng angkanaya, sikontutojenna a'mole-mole sikalima' ero' battu angkunjungi ngasengko, mingka tuli nia' salibanra. Sanna' erokku, sollanna nia' todong wassele' jama-jamangku ri tangnga-tangnganu, sangkamma ri pa'rasangang maraenga ri tangnga-tangngana bansa maraenga.