ROMA 1:11 - KITTA' MATANGKASA'

¹¹ Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

ROMA 1:11 Referans Kwoze

2 PETRUS 1:12

Lanri kammanami anjo natuli kupakaingakko ri yangasenna anjo passalaka, manna pole nanuassemmo siagang manna pole nanutappa' tojeng-tojemmo mae ri anjo biritta nutarimaya battu ri Allata'ala.

ROMA 16:25

Nipujimi Allata'ala! Makoasai anjarreki tappa'nu, situru' Kabara' Baji' battua ri Allata'ala, iamintu ri passala'na Isa Almasi, le'baka kubirittakang. Kubirittakangi anjo passalaka situru' apa Napa'nyataya Allata'ala; iamintu ri sesena rancanaNa Allata'ala, a'bilangngang taungamo tanaassenga taua.

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

ROMA 15:29

Punna battua' sallang mae ri kau ngaseng, mattantu jai barakka' battu ri Isa Almasi lakupabattuangko.

1 PETRUS 5:12

I Silas ambantua' nakupare' anne sura' bodoa bonena. Kubilangi Silas tu Karisteng tamamminraya. Erokka' ampakamajuko siagang ampakajarreki tappa'nu angkanaya anne apa kutulisika biritta kammatojeng ri sesena passare lammoro'Na Allata'ala. Paralluko anna'gala' jarre' mae ri anjo passare malammoroka.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

LAMPA-LAMPANA 19:6

Na ri wattunna napatompang limanna Paulus irateanganna ke'nanga, battumi RohNa Allata'ala angkoasai ke'nanga; sa'genna akkullemo ke'nanga a'bicara lalang a'rupa-rupa bicara appakalannasaka, siagang napabattumi ke'nanga kabara' battua ri Allata'ala.

LAMPA-LAMPANA 16:5

Jari pila' jarre'mi tappa'na anjo jamaah-jama'aka, siagang pila' mange allo pila' katambammi jaina ke'nanga.

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 3:2

nanisuro riolo sari'battanta Timotius battu mae ri kau: Anne Timotius, iami palayanNa Allata'ala, assiaganga ikambe anjama untu' ambirittakangi Kabara' Bajika, iamintu ri passala'na Almasi. Kisuromi Timotius battu mae ri kau ngaseng, sollanna napakajarrekko siagang napamajuko nupila' tappa' mae ri Almasi.

FILIPI 4:1

Lanri kammana, sikontu sari'battangku kukarimangngia, paralluko attojeng-tojeng tappa' mae ri Batara lalang ri katallassannu. Nakku' sikali pa'maikku mae ri kau ngaseng! Ikaumi nakalompoanga pa'maikku siagang kukarannuanga.

FILIPI 2:26

Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

2 KORINTUS 9:14

Na lanapappala' doangangko siagang pa'mai' mangngarimangngi mae ri kau, lanri sanna' baji'Na Allata'ala mae ri kau.

2 KORINTUS 1:21

KalenNa Allata'ala ampakajarre' ngasengki' a'jari se're mae ri KalenNa Almasi; Iatommi KalenNa ampileki' Napamae ri KalenNa.

ROMA 15:32

Sa'genna, punna Nakaerokang Allata'ala, akkullea' battu mae ri kau ngaseng siagang baji'. Nakuakkulle anggappa panynyaleori ri tangnga-tangnganu ngaseng.

ROMA 15:23

Mingka kamma-kamma anne le'ba'mi jama-jamangku anjoreng ri daera-daeraya. Attaung-taummi salloku tuli ero' angkunjungi ngasengko.

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

2 SAMUEL 13:39

mingka ri tenanamo nasi'na nyawana Daud, sanna'mi nakku'na mae ri Absalom.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

2 KORINTUS 11:4

Nasaba' kamma kusa'ring tuli sannangko antarima ngasengi tau battua mae ri kau angngajara' ri sesena Isa maraengannaya; jari teai Isa kipangngajarranga mae ri kau napangngajarrang ke'nanga. Na nuero' todong antarimai anjo roh siagang “kabara' baji'” sanna' sikali simmaraenna siagang RohNa Allata'ala yareka Kabara' Baji' le'baka nutarima battu ri kambe.

2 SAMUEL 23:15

Nakkuki nasa'ring Daud mae ri anjo pa'rasanganna; nakanamo, “Ka'de' nia' kulleanna nakunisare je'ne' inung battu ri bungung niaka ri ampi'na pakke'bu' lompona Betlehem!”

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

ROMA 1:12

Ia natabaya kanangku iamintu, nasaba' para tappa' ngaseng maki' mae ri Isa Almasi, jari paralluki' massing sipakajarre'.

2 KORINTUS 1:15

Lanri tappakkumo ri anne passalaka nakuero'mo pirangalloang battu angkunjungi ngasengko, sollanna a'lappi rua barakka' nugappaya.