ROMA 1:10 - KITTA' MATANGKASA'

¹⁰ Sanna'mi kupala'na ri Allata'ala, tapporo Nakellaia' battu angkunjungi ngasengko.

ROMA 1:10 Referans Kwoze

LAMPA-LAMPANA 18:21

Mingka manna nakamma, ri wattunna la'lampa Paulus, nakanamo ri ke'nanga, “Punna nia' pangngellai battu ri Allata'ala, labattu poleanja' antu sallang mae anrinni.” Le'baki akkana kamma, a'lampami Paulus mange ri Efesus.

YAKOBUS 4:15

Mustina lakammai anne batenu angkana, “Punna Naerokang Batara, lattallasa'ma' siagang lakugaukammi anne yareka anjo.”

FILEMON 1:22

Pantaranganna anjo, pappasadianga' tampa' ri balla'nu; nasaba' kuminasai ri Allata'ala naNasareangko pappala'nu ngaseng, iamintu nanaeranga' ammotere' mae ri tangnga-tangnganu.

1 TESALONIKA 2:18

Usaha maki' ero' battu angkunjungiko; na inakke Paulus, la'bima' ri sikalia ancobai, mingka tuli nihalangia' ri Billisika.

IBRANI 13:19

Kalengku pole ampala' dudui, sollanna nupappala' doanganga', sollanna linta' Allata'ala ampoteranga' mae ri kau.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

1 KORINTUS 4:19

Mingka punna Naerokang Batara tena tabattuku mae ri kau ngaseng. Iapi anjo wattua sallang nakucini' todong apa akkullea nagaukang anjo tau tampo kammaya; jari teai poro bicaranna bawang ke'nanga kulangngere'.

LAMPA-LAMPANA 21:14

Taerokai Paulus ampilangngeri kananna ikambe, jari ammari maki' ampisangkai Nikanamo: “Boli'mi kamma naero'Namo bawang Batara anjari.”

ROMA 15:29

Punna battua' sallang mae ri kau ngaseng, mattantu jai barakka' battu ri Isa Almasi lakupabattuangko.

1 KORINTUS 1:1

Sikamma sari'battangku, anggota jama'aNa Allata'ala ri Korintus! Le'ba' mako nikio' ri Allata'ala a'jari umma'Na, lanri taunNako Isa Almasi; assiagang ngaseng sikontu tau niaka ri kere-keremae anynyomba ri Batarata Isa Almasi, iamintu Batarana ke'nanga siagang Batarata todong. Inakke Paulus siagang sari'battanta Sostenes, ma'minasa poro nibarakkakiko siagang nisare ngasengko salewangang ri Allata'ala Manggeta, siagang Batara Isa Almasi. Anne suraka kutulisiki salaku tunisuroNa Isa Almasi, niangkaka ri Allata'ala, lanri ero' KalenNa Allata'ala.