PIRAUNG 5:5 - KITTA' MATANGKASA'

⁵ Rapang olo'-olo' nipassai ikambe anjama battala', mangngangi ikambe, mingka tanikellaiaki' ammari-mari.

PIRAUNG 5:5 Referans Kwoze

PIRAUNG 1:14

Napasse're kabusuki dosaku nampa Nasikko' Napa'jari se're, na Nagentung ri kallongku sa'gengku a'jari lamma napakamma battala'na. Napassareanga' Batara mae ri musua; na tena kulleku angngewai ke'nanga.

YEREMIA 28:14

Batara Kaminang Koasaya, Allata'alana Israel Napaui angkana laNapatabai lembarang bassia ri salangganna sikontu anne bansaya, siagang lanapa'jari atai kalenna ke'nanga mae ri Nebukadnezar, karaeng Babel. Napau tongi Batara angkanaya manna olo'-olo' sekkeka laNapassareang tongi antama' ri kakoasanna Nebukadnezar.”

YEREMIA 27:8

Bansa yareka kakaraengang tenaya naero' tundu' mae ri Nebukadnezar laKuhukkungi siagang pa'bundukang, kacipurang kammayatompa garring, sa'genna kale'bakkanna anjo bansaya tunduki mae ri ia.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

LAMPA-LAMPANA 15:10

Jari apa saba'na nanuero' ambali Allata'ala kamma-kamma anne lanri ero'nu ambattali atorang-atorang anjo tau tappaka? Na sikontutojenna manna boe-boeta, yareka manna kalenta ngaseng tena todong nanikkulle anggaukangi anjo atoranga.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

PIRAUNG 4:19

Sanna' gassinna lari tau angngondanga ri kambe la'bi gassing larina na jangang-jangang rajawalia. Iratei ri moncong ke'nanga angngondangi ikambe, na naruppai ikambe ri parang lompoa.

YEREMIA 27:2

appare' otere' kukkulu' siagang kayu lembarang, nampa napadongko' ri salanggangku.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.