PIRAUNG 5:19 - KITTA' MATANGKASA'

¹⁹ Mingka iKatte, o Batara, tuli makoasa, iKatte ammarenta satunggu-tungguna.

PIRAUNG 5:19 Referans Kwoze

PAMMUJI 102:12

Allaloi tallasakku sanrapang bayang-bayang ri wattu karueng; a'jari kalumenga' sanrapang ruku'.

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAMMUJI 9:7

Cappu'mi Kipa'la'busu' musunna ikambe, Kiancuruki kota-kotana ke'nanga; tenamo tau langngu'rangi poleangi.

PAPPICINI' 1:8

“INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

PAMMUJI 146:10

Anjo Batara Karaeng satunggu-tungguna. He Sion, Allata'alanu makoasa lalang sikontua jammang. Pujimi Batara!

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 10:16

Batara ammarenta sa'genna satunggu-tungguna; bansa-bansa tenaya namangngasseng ri Ia la'lanynyaki battu ri buttana.

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,

YOHANES 1:38

Assailemi Isa mae ri boko, na Nacini'mo ke'nanga amminawang ri Ia. Akkuta'nammi ri ke'nanga angkana, “Apa nuboya?” Appialimi ke'nanga angkana, “Ra'bi kemaeki ammantang?” (‘Ra'bi’ battuanna guru.)

PAMMUJI 93:2

Kassaki empoanTa battu ri uru-uruna, battu ri satunggu-tungguta nia' memangKi'.