PIRAUNG 4:7 - KITTA' MATANGKASA'

⁷ Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.

PIRAUNG 4:7 Referans Kwoze

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

KELONG MALA'BIRI' 5:10

Tanringku ga'gai siagang gammaraki, ia kaminang pore ri sampulo sa'bu tau.

PAMMUJI 144:12

Tapporo ana'-ana' bura'neta ri wattu rungkana sanrapangi lamung-lamung a'bakka' lompo. Tapporo ana'-ana' baineta sanrapang benteng ga'ga, ambelo-beloi sikontu benteng balla' lompoa.

1 SAMUEL 16:12

Nampa nasuromo Isai mae angkioki anjo anaka. Niassemmi angkanaya anjo anaka se're turungka gammara' siagang bajiki kalenna, siagang ga'gai matanna. Nampa Nakanamo Batara ri Samuel, “Iaminne taunna. Minynyakimi na nuangka'!”

DANIEL 1:15

Le'baki anjo wattu sampulo alloa, kabateammi nicini' angkanaya anjo ke'nanga la'bi bajikangngangi siagang la'bi gassingangngangi nasikontu anjo turungka anggappaya kanre battu ri mejanna karaenga.

HAKING-HAKING 16:17

Kala'busanna nasungkemi rahasiana Simson. Nakanamo Simson, “Tena le'bakapi nipolong uukku. Le'ba'ma' nipassareang ri Allata'ala a'jari tau nipileNa. Appakkaramula ri lassukku a'jari tuattinja' memamma'. Punna nipolong uukku, tappela'mi kagassingangku, la'jari lammama' sangkamma tau biasaya.”

HAKING-HAKING 13:7

Mingka nakana ri nakke angkana latiananga' siagang langgappa sitau ana' bura'ne. Nakanamo pole angkana takkullea' angnginung anggoro' yareka inungang terasa', yareka angnganre apa-apa harang. Nasaba' anjo anaka musti nipassareangi mae ri Allata'ala untu' a'jari tu attinja' ri sikontu tallasa'na.”

HAKING-HAKING 13:5

Punna lassu'mo ana'nu, tea sikaliko polongi uu'na. Nasaba' lalang nitianangang iji nale'ba' nipattantumo untu' a'jari tau attinja'. Iami labarjuang untu' allappassangi bansa Israel battu ri kakoasanna tu Filistin.”

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

KALAPPASSANG 24:10

Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

AYUB 28:16

Bulaeng siagang paramata kaminang ka'jalaka takkulleai napasangkammai anggaranna.

AYUB 28:18

Bella tinggina anggaranna kacara'dekanga na giwang, intang, siagang mutiara.

KELONG MALA'BIRI' 5:15

Bangkenna rapangi benteng-benteng tembo' accilla' kebo', nilangga ri bulaeng ti'no'. Pakkaleanna sanrapangi bulu'-bulu' Libanon, gammara' kamma poko' kayu arasa'.