PIRAUNG 4:2 - KITTA' MATANGKASA'

² Riolo ana'-ana' rungkana Kota Sion rapangi bulaeng tinggia anggaranna, mingka anne kamma nipare' mami rapang uring butta bawang.

PIRAUNG 4:2 Referans Kwoze

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

YEREMIA 19:11

Musti kupauangi ke'nanga angkanaya akkana kammai anne Batara Kaminang Koasaya, “Anne bansaya siagang kotaya laKuancuruki sa'genna a'jari rapang bongki anjo reppeka tenayamo nakkulle nipakabaji' ammotere'. Lanitarawangi maya'-maya'na ke'nanga ri taua ri Tofet, lanri tenamo tampa' pa'jerakkang maraeng.

2 TIMOTIUS 2:20

Lalang se'rea balla' lompo nia' a'rupa-rupa pakkakasa' balla'. Nia' pakkakasa' pera' yareka bulaeng, mingka nia' todong battu ri kayu yareka butta. Nia' lanipake untu' kaparalluang lompo, na nia' todong lanipake untu' kaparalluang biasa.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

ZAKHARIA 9:13

Yehuda laKupake a'jari salaku pana tubarani, siagang Israel salaku ana' pana sadiaya lanipabuccu'. Pandudu'na Sion laKupake salaku pa'dang; anjo pa'danga laKupake ambuccuki sikontu tu Yunani.”

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.

YESAYA 51:18

Battu ri pandudu'nu tena anrurungangko, battu ri tummantannu tena angnguluko.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

YEREMIA 22:28

Inakke Yeremia, kukana, “Apaka anjo Karaeng Yoyakhin a'jarimi sanrapang uring reppe' nipelaka siagang tenayamo ningai? Iakami anjo saba'na nanibongkai siagang nipelaki siagang ana'-ana'na mange ri pa'rasangang tenaya naassengi ke'nanga?”

YEREMIA 19:1

Nasuroa' Batara a'lampa ammalli bongki, nampa kukio' siapa are pamimpinna bansaya siagang siapa are imang-imang toaya,

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.