PIRAUNG 4:16 - KITTA' MATANGKASA'

¹⁶ Tenamo naNaparhatikangi Batara umma'Na; Ia KalenNa ampasimbungi ke'nanga ampa'jari tanianggara'mo imang-imanna; tenamo angkamaseangi sikamma pamimpinga.

PIRAUNG 4:16 Referans Kwoze

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.

IBRANI 8:9

Tasangkammayai passijanjiang Kupareka siagang boe-boena ke'nanga ri wattunna Kururungang ke'nanga assulu' battu ri butta Mesir. Allessoki ke'nanga ri passijanjiang Kupareka siagang ke'nanga, lanri kammanami anjo nataKujampangia ke'nanga.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

PAOLE 32:26

ErokKa' ampa'lanynya' taba sikali ke'nanga, sollanna taniu'rangiamo ke'nanga.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

YEREMIA 15:4

LaKupa'jari sikontu bansaya ri lino sanna' malla'na anciniki ke'nanga. Kugaukang ngasengi anjo sikammaya lanri panggaukanna Manasye ana' bura'nena Hizkia ri Yerusalem ri wattunna ia a'jari karaeng ri Yehuda.”

PAMMUJI 106:44

Mingka Napilangngeri Batara pakkio'na ke'nanga, Naparhatikangi kasusaanna ke'nanga.

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

PA'JARIANG 49:7

Nitunrai kalarroanna ke'nanga, lanri sarrinna. Nitunrai kasekkekanna ke'nanga, lanri palla'na. Lakupasisa'la'-sa'laki ke'nanga ri sikontu Israel. Lakupasiaraki ke'nanga ri alla'na sikontu bansaya.

YEREMIA 52:24

Pantaranganna anjo, Nebuzaradan najakkala' tongi Imang Lompo Seraya, Zefanya, iamintu wakkele'na, tallu tau pajaga pakke'bu'na Balla'Na Batara,

PIRAUNG 2:6

Naancuruki Balla'Na tampa' pa'rappunganna umma'Na untu' anynyomba ri Ia. Napatakkaluppai taua ri allo Pammari-marianga siagang allo-allo lompoa. Lanri tamaka larroNa Batara, Nasorongbokomi imanga siagang karaenga.

PAMMUJI 106:27

Turunganna ke'nanga laNapelaki ri alla'na bansa-bansaya siagang laNapasisa'la'-sa'laki ke'nanga ri pa'rasangang maraeng.

YESAYA 24:2

Sikontu taua nakasia' ngasengi sare sangkammaya: imang-imanga siagang ra'yaka, ata niballia siagang pinggawaya, pabaluka siagang tummallia, tau appappinranga siagang tau angnginranga, kalumanynyanga siagang kasi-asia.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.