PIRAUNG 4:10 - KITTA' MATANGKASA'

¹⁰ Tamaka heba'na anjo bala antujuai ummakKu sa'genna manna anrong baji' pa'maika napallumi ana' kalenna untu' ambonei battanna.

PIRAUNG 4:10 Referans Kwoze

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YEREMIA 19:9

Lanikurungi ri musu anne kotaya, siagang nausahakangi nabuno pandudu'na. Teai sipato' heba'na batena musua angkurungi, sa'genna sikamma tau niaka lalang ri anne kotaya lasikanre-kanrei para ia sipa'gangngang, ba'lalo ana' kalenna nakanre ngaseng.”

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

PIRAUNG 4:3

Anrong kongkong romanga bawang nanapasusu ana'na, mingka ummakKu tamaka palla'na rapang jangang-jangang unta niaka ri parang.

PIRAUNG 3:48

Ammatti' je'ne' matangku rapang je'ne' binanga assolong lanri ancuru'namo bansaku.

KAIMANGNGANG 26:29

Lanaalleko cipuru', sa'genna nukanre ana' kalennu.

2 KARAENG-KARAENG 25:3

Ri wattu tanggala' 9 bulang 4 anjo todong taunga, iamintu ri wattu sanna' dudunamo bala kacipuranga sa'genna tena sikalimo lanakanre ra'yaka,

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

YESAYA 22:2

Tena nasiratang sikabusu'na kotaya assua'-suara' siagang a'reja-reja. Saba' sikamma turewanu matei lalang anne bunduka, tena namate lanri mate a'bundu'.