PIRAUNG 3:64 - KITTA' MATANGKASA'

⁶⁴ Kihukkung laloi ke'nanga situru' panggaukanna o Batara.

PIRAUNG 3:64 Referans Kwoze

PAMMUJI 28:4

Hukkung laloi ke'nanga lanri panggaukanna ke'nanga, lanri kaja'dallang nagaukanga ke'nanga. Hukkung laloi ke'nanga situru' panggaukanna ke'nanga; hukkungi ke'nanga simbattala' panggaukanna ke'nanga.

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

2 TIMOTIUS 4:14

Aleksander, anjo tukang tambagaya sanna' ja'dala'na panggaukanna mae ri nakke. Mingka lanibalasaki ri Batara situru' anjo panggaukanna.

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

YEREMIA 50:29

Nakana Batara, “Suroi sikamma tantara angngeranga pana ambunduki Babel. Pagio' ngasengi sikamma tau cara'deka ammake sanjata pana. Kurungi anjo kotaya siagang teako lappassangngi manna sitau ta'lappasa'. Balasaki sikontu panggaukanna siagang gaukammi ri ke'nanga sangkamma le'baka panggaukanna, lanri le'baki a'gau' kurangajara' mae ri Nakke, Kaminang Matangkasaka, iamintu Allata'alana Israel.

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

YEREMIA 51:56

Battui ke'nanga untu' ampanraki Babel, anjakkalaki tantara-tantarana siagang antepoki sanjatana ke'nanga. INakkemi Batara anghukkungi ke'nanga kaja'dallanna, siagang Babel laKubalasaki situru' siagang panggaukanna.