PIRAUNG 3:53 - KITTA' MATANGKASA'

⁵³ Napela' attallasaka' antama' ri bungung kalotoro' nampa natambungia' ke'nanga batu.

PIRAUNG 3:53 Referans Kwoze

DANIEL 6:17

Jari kale'bakkanna naparentakammi karaenga sollanna nijakkala' Daniel nampa nipasambila antama' ri leang singaya. Nakana karaenga ri Daniel, “Dasi-dasi naanjo Allata'alanu nusombaya siagang pa'mai' tamamminra ampasalamakko.”

YEREMIA 38:9

“O Karaeng Mala'birikku, anjo panggaukanna ngaseng taua tena nabaji'. Napantamaki ke'nanga Na'bi Yeremia ri bungunga; ma'nassa lamate cipuruki sallang lalang, nasaba' la'busu'mi kanrea ri anne kotaya.”

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.

YEREMIA 37:16

Nipantamakka' ri se'reang kollang irawa butta, nakusallo nitahang anjoreng.

MATIUS 27:66

A'lampami ke'nanga mange ri jeraka. Najarrekimi ke'nanga anjo batu pannongko'na jeraka. Nampa nasuro surudadua a'jaga ri dallekanna anjo jeraka, sollanna tena tau angkaccaki.

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

YEREMIA 37:20

Kamma-kamma anne, karaeng nipakala'birikku, kipilangngeri laloi anne pappalakku. Tea' laloki kiringia' ammotere' mange ri balla' tarungku niaka ri balla'na Yonatan, gassingka matea' sallang anjoreng.”

YUNUS 2:1

Battu lalang ri parru'na anjo jukuka, appala' doammi Yunus ri Karaeng Allata'alana. Nakana,

DANIEL 6:18

Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.