PIRAUNG 3:48 - KITTA' MATANGKASA'

⁴⁸ Ammatti' je'ne' matangku rapang je'ne' binanga assolong lanri ancuru'namo bansaku.

PIRAUNG 3:48 Referans Kwoze

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

PIRAUNG 2:18

He tembo'-tembo'na Yerusalem, akkiokko mae ri Batara! Pamatti'mi je'ne matannu rapang binanga assolonga je'nena allo bangngi. Angngarru' tulusukko, teako ammari sa'genna mangngang nusa'ring!

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana