PIRAUNG 3:42 - KITTA' MATANGKASA'

⁴² “Dorakami anne ikambe siagang angngewai mae ri Katte, o Batara, na tena Kipamopporangi ikambe.

PIRAUNG 3:42 Referans Kwoze

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

ZAKHARIA 1:5

Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

YEHEZKIEL 24:13

He Yerusalem, anjo panggaukang-panggaukang kodinu nara'massimi kalennu. Kucobami antangkasiko, mingka tena matu-matunna, lanri tuli ra'masa'nu. Tena nulatangkasa' ammotere' sa'genna ammari pangngalarroingKu mae ri kau.

PIRAUNG 5:16

Tenami kalompoanna ikambe cilakami ikambe napakamma doraka.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

PAMMUJI 107:11

saba' angngewai ke'nanga mae ri Allata'ala siagang tena najampangi parentaNa Kaminang Tinggia.

YEREMIA 14:20

Batara, ri Kattemi bawang doraka ikambe. Namangakui ikambe dosa kalenna ikambe siagang dosana boe-boena ikambe.

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

DANIEL 9:15

O Batara, Allata'alana ikambe, iKatte le'ba' ampa'nyatai kakoasanTa. Iamintu Kieranna ummatTa assulu' battu ri Mesir, siagang anjo kakoasanTa tuli niu'ranginna. Dorakami ikambe siagang nagaukammi ikambe kasalanga.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”