PIRAUNG 3:39 - KITTA' MATANGKASA'

³⁹ Angngapa namusti akkunrareng taua punna nihukkung lanri dosa-dosana?

PIRAUNG 3:39 Referans Kwoze

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

PANGNGEBARANG 19:3

Napakarugi kalenna rupataua lanri kadongokanna, nampa Batara nasalakang ri anjo passalaka.

YEREMIA 30:15

Tea' mako akkunrarengi pole ri passala'na bokka'-bokka'nu, nasaba' tena panrannuang ri kau untu' lakkulle ammolle. Kuhukkung kammako anjo lanri jaina dosanu siagang lompona kasalannu.

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

EZRA 9:13

Dorakami ikambe siagang nadakkaimi hukkunTa, kammayatompa Kihukkummi ikambe. Mingka naassengi ikambe, o Allata'alana ikambe, angkanaya anjo hukkunganTa mae ri kambe tenapa nasambattala' siratanga siagang battala'na dosana ikambe, ba'lalo Kipasalama' iji ikambe.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

PAMMILANGNGANG 17:12

Nampa nakanamo tu Israel mae ri Musa, “Punna kamma, cilakami ikambe! Lapanraki ikambe!

PAMMILANGNGANG 11:11

Jari angkanami ri Batara, “Angngapa Kisusai kamma' anne? Maka tena naKisannang mae ri nakke? Angngapa naKipassareang anne sikontu taua anjari tanggong jawakku?

KAIMANGNGANG 26:43

Mingka anjo buttaya musti nikosongi rolong ri pandudu'na niaka, sollanna akkulle ammari-mari tojeng. Siagang anjo ummakKu musti najappai ngasengi anjo hukkungang Kupabattua mae ri ke'nanga lanri taero'na anturuki paratorang-paratorangKu siagang parenta-parentaKu.

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

PAMMUJI 107:17

Nia' dongo' siagang sessa lanri dosa-dosana ke'nanga, siagang nisessai lanri kasalanna ke'nanga.

2 KARAENG-KARAENG 6:33

Tenapa napuppusu' bicaranna Elisa, battumi karaenga anjoreng na nakana, “Anne kasusaanga Batara ampabattui mae ri katte! Jari apapi matu-matungku manrannuang ri pannulunNa?”

AYUB 15:13

larroko mae ri Allata'ala siagang nubali-bali.

YEREMIA 10:19

Akkio'mi pandudu'na Yerusalem angkana, “Sannaki loko'na ikambe siagang takkulleami pia. Riolo nakapangi ikambe angkanaya anne pa'risika akkulleji natanggong ikambe, padahala' tena padeng.