PIRAUNG 2:3 - KITTA' MATANGKASA'

³ Lalang a'rinrana larroNa, Natepoki kagassinganna Israel. Ri wattunta nibunduki ri musu, taerokai nyawaNa antulungki'. Rapang pepe' a'jalloka angkanrei sikamma niaka, kammami anjo larroNa Batara mae ri katte ngaseng.

PIRAUNG 2:3 Referans Kwoze

PAMMUJI 74:11

Angngapa natenamo Kitulungi ikambe? Angngapa Kipapantarang limanTai anne ikambe?

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

PAMMUJI 75:10

Mingka latuli kukabarrangi Allata'alana Yakub, kukelongangi lagu-lagu pammujia mae ri Ia.

PAMMUJI 75:5

Mae ri tau nangaia akkana borro laKupauangi sollanna tenamo nakkana borro pole.

YEREMIA 48:25

Nitepo'mi kagassinganna Moab, niancuru'mi kakoasanna. INakke, Batara, anne akkana.”

PAMMUJI 89:46

Kipakabodoi umuru' rungkana, nampa Kitongko' kalenna siagang siri'.

PAMMUJI 79:5

O, Batara, maka lasitulusutTa larro, siagang a'rinra kamma pepe' kimburuTa?

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

YEREMIA 21:14

mingka iNakke langhukkungko lanri panggaukannu. Balla' karaennu laKutunui, kammayatompa yangaseng-ngasenna apa niaka ri tammulilina lanitunu tongi. INakke, Batara, anne akkana.”

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YEREMIA 4:4

Ta'gala' jarreki janjinnu siagang iNakke, Batara, siagang sa'laki kalennu untu' iNakke, he pandudu' Yehuda siagang Yerusalem. Punna tena, lallumpai larroKu siagang la'rinrai rapang pepe' tenaya nakkulle nibuno manna pole ri nai. Yangasenna anjo kammaya lanatujuko lanri panggaukang-panggaukang ja'dala'nu.”

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

PAMMUJI 89:24

Sikontu musunna laKuballassi, inai-nai angkabirisi Kubunoi.

AYUB 16:15

Ammakea' karung tanra si'na, na kummempo ri au lanri nibeta.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

2 PATTOTTORANG 34:25

Ma'bokomi ke'nanga ri Nakke siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang anjo larroKu takkulleai naung.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

PIRAUNG 4:11

Napa'betteseki larroNa Batara na Natunu Kota Sion sa'genna sillappara' buttaya.

YEHEZKIEL 7:14

Assa'rai tarompeka siagang sadia-sadia ngasemmi taua. Mingka tena manna sitau la'lampa mange ri tampa' pa'bundukanga, lanri sikontu taua nituju kabusuki ri pangngalarroinNa Allata'ala.

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.