PIRAUNG 2:16 - KITTA' MATANGKASA'

¹⁶ Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

PIRAUNG 2:16 Referans Kwoze

PAMMUJI 35:21

Ammarrang-marrangi ke'nanga mae ri nakke angkana nacini'mi ke'nanga apa le'baka kugaukang.

PIRAUNG 3:46

Nihinami siagang nikakkalimi ikambe ri musunna ikambe;

PAMMUJI 56:2

Kamaseanga', o, Allata'ala, lanri nibundukia', tulusu' nijallakkanga' ri musu-musungku.

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

PAMMUJI 124:3

le'ba' maki' naa'lu' attallasa', lanri allumpana larrona ke'nanga.

PAMMUJI 35:16

Tena nammari-mari ke'nanga ancau-caua', siagang birisi' sikali ancinikia'.

PAMMUJI 22:13

Sanrapangi tedong romang jaia, musua angkatulunga', sanrapang tedong romang liara' battu ri Basan angkatulunga'.

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.

YEHEZKIEL 25:15

Nakana Batara Kaminang Tinggia, “Tu Filistin le'baki a'balasa' palla' mae ri musu lompona, siagang napanraki ke'nanga lanri birisi'na.

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEHEZKIEL 25:3

Suroi anjo bansaya ampilangngeri apa Kupaua, iNakke, Batara Kaminang Tinggia, mae ri ke'nanga, angkana, ‘Sannangi nyawanu anciniki BallakKu nira'massi siagang butta Israel nipanraki kammayatompa bansa Yahudi niengka' mange ri pammelakkanga.

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 109:2

Saba' nibakkaia' ri tau ja'dala' siagang patipu appa'la'banga carita-carita balle-balle ri passala' inakke.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PAMMUJI 41:8

Assibici'-bici' ngasemmi tau birisika ri nakke; nacarita sanna'ma' kodiku ke'nanga.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 23:32

Nakana Batara Kaminang Tinggia, “Nua'luki bonena cangkiri'na daennu. Cangkiri' lompo na lantang. Bonena rassi kana pacau-cau siagang patoa-toai, musti nutarima battu ri taua.

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”