PIRAUNG 2:15 - KITTA' MATANGKASA'

¹⁵ Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

PIRAUNG 2:15 Referans Kwoze

YEREMIA 18:16

Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEREMIA 19:8

LaKupabattui bala lompoa ri anne kotaya sa'genna sikamma tau ammaloa anjoreng lata'bangkai siagang lamalla' ngasengi.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

YESAYA 37:22

Nakana Batara, “Lanakakkaliko siagang lanacau-cauko kota Yerusalem, ikau Sanherib!

PAMMUJI 22:7

Mingka inakke anne sanrapanja' gallang-gallang, teai rupatau, nicau-cau na nihina ri tau jaia.

MARKUS 15:29

Sikamma tau niaka numalo anjoreng napammenggong-menggongi ulunna, siagang nahina-hinai Isa angkana, “He, iKaumi eroka anrumbangi Balla'Na Allata'ala nampa Nupabangung poleang ri makatalluna alloa.

MATIUS 27:39

Sikamma tau niaka numalo, massing napammenggong ulunna, nahina-hinaimi Isa.

NAHUM 3:19

Bokka'nu takkulleai niballei, siagang loko'-loko'nu takkulleami pia. Sikontu tau allangngerekai kaancurannu attempa limami napakamma rannu. Nasaba' sessa ngasemmi taua napakamma anjo kaja'dallannu kala'busanga.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

PIRAUNG 2:6

Naancuruki Balla'Na tampa' pa'rappunganna umma'Na untu' anynyomba ri Ia. Napatakkaluppai taua ri allo Pammari-marianga siagang allo-allo lompoa. Lanri tamaka larroNa Batara, Nasorongbokomi imanga siagang karaenga.

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 25:18

Yerusalem siagang sikontu kotaya ri Yehuda, siagang sikamma karaenga kammayatompa pagawe-pagawena, kusarei angnginungi anjo anggoroka, sa'genna a'jari ke'nanga rapang parang kalotoro' appakamallaka. Sa'genna anne alloa arenna ke'nanga nipakei untu' pattunra.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

2 PATTOTTORANG 7:21

Anne Balla' sambayanga kamma-kamma anne sanna' nipakalompona, mingka anjo sallang wattua sikamma tau numaloa lalannasa' kabusuki anciniki. Lanakana ke'nanga, ‘Angngapa nanapakamma anjo Batara anne pa'rasanganga siagang anne ballaka?’

2 KARAENG-KARAENG 19:21

Nakana Batara, “Nakakkaliko siagang nacau-cauko kota Yerusalem, Sanherib.

PAMMUJI 64:8

Mingka Napabuccuki panaNa Allata'ala mae ri ke'nanga, nati'ring loko'mo ke'nanga.

PAMMUJI 109:25

Sikamma tau ancinikia' nahina ngasemma' napamenggong-menggong ulunna.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

YEREMIA 48:27

Sai riolo le'baki nikakkali Israel ri Moab siagang napareki carita rapang angkanaya le'baki nirapikang ke'nanga siagang ngaseng palukkaka?

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

YEHEZKIEL 16:14

Sikontu bansaya napalecei kaga'gannu, siagang iNakkemi ampa'jariko ga'ga sikali. INakke, Batara Kaminang Tinggia, anne akkana.

PAMMUJI 48:3

Sion, bulu'Na Allata'ala, ammenteng sassa' sanna' ga'gana kotaNa Karaeng Malompoa ampakarannui sikontu linoa.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

YEHEZKIEL 23:32

Nakana Batara Kaminang Tinggia, “Nua'luki bonena cangkiri'na daennu. Cangkiri' lompo na lantang. Bonena rassi kana pacau-cau siagang patoa-toai, musti nutarima battu ri taua.

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.