PIRAUNG 1:5 - KITTA' MATANGKASA'

⁵ Pore ngasemmi musu-musunna lanri akkullena nakoasai ke'nanga. Nipa'risi ri Batara, lanri majaina dosana. Nitahammi pandudu'na, na nilaling mange ri butta pammelakkang.

PIRAUNG 1:5 Referans Kwoze

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

PIRAUNG 3:46

Nihinami siagang nikakkalimi ikambe ri musunna ikambe;

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

YEREMIA 5:29

Mingka iNakke, Batara, langhukkungi ke'nanga lanri yangasenna anjo sikammaya; laKubalasaki sikamma panggaukanna anne bansaya.

YESAYA 63:18

Angngapa Kilappassangi musua angngonjo'-onjokangi BallatTa, siagang nara'massi taua bulu' matangkasatTa?

PAMMUJI 89:42

Sikontu tau allaloa anrampasaki apa-apanna, a'jari tunicau-caui ri bansa-bansa siampi'na.

PAMMUJI 80:6

Kisarei ikambe karru' untu' sanrapang kanre, je'ne' mata a'jari sanrapang je'ne' inung.

PAOLE 31:29

Kuassengi angkanaya punna matema', anjo taua la'jari ja'dalaki siagang lanatollaki apa le'baka kupangngajarrang mae ri ke'nanga. Nampa lanituju sallang ke'nanga ri bala, lanri napakanassuna Batara lanri nagaukanna ke'nanga apa Napappisangkanga Batara.”

YESAYA 22:5

Memang, KalenNa Batara Kaminang Tinggia siagang Kaminang Makoasaya le'ba' ampattantui anne alloa a'jari allo karicuang, kagegerang, siagang pa'beserang ri Ka'bung Paccinikang. Sikamma tembo'na kotaya lanirumbangi. Kemae-kemae nia' kalangngerang sa'ra ammarrang appala' tulung ri buluka.

YEREMIA 10:20

Panra'mi kemana ikambe, siagang tappu' ngasemmi sikamma otere'na. Tenamo akkulle ambangung kema siagang ampatabai kaeng-kaenna, lanri a'lampa ngasemmi ana'-anaka.”

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

2 KARAENG-KARAENG 21:15

Yangasenna anjo sikammaya laKugaukangi mae ri UmmakKu lanri dorakai ke'nanga mae ri Nakke siagang napanaiki larroKu appakkaramula battu ri assulu'na boe-boena ke'nanga battu ri butta Mesir sa'genna anne alloa.”

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.