PIRAUNG 1:13 - KITTA' MATANGKASA'

¹³ Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

PIRAUNG 1:13 Referans Kwoze

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

AYUB 30:30

A'jari le'lemmi bukkulengku; rapang nitunumi kalengku ri rammusu'.

YEHEZKIEL 17:20

LammuangA' jala untu' anjakkalaki. LaKuerangi mange ri Babel nampa Kuhukkung anjoreng, lanri tena namajarre' mae ri Nakke.

PAMMUJI 22:14

Tassungkei bawana ke'nanga andallekanga', sanrapang singa ammarrunga sa'ranna ero' angngokko'.

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

IBRANI 12:29

Nasaba' anjo Allata'alata sanrapangi pepe' appakamutunga.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

PAMMUJI 66:11

Kibalang parekangi ikambe tu'guru' antama' ri sikkoka, na Kisare ikambe erangang sannaka battala'na.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

HOSEA 7:12

Mingka sampang allaloi ke'nanga, attannangA' sikko' nampa Kujakkala' ke'nanga rapang tau anjakkalaka jangang-jangang. LaKuhukkungi ke'nanga lanri sikamma kaja'dallanna ke'nanga Kuassengamo.

YEHEZKIEL 32:3

Ri wattunna a'rappung bansa-bansaya, laKujakkalakko siagang jalaKu, siagang laKulappassangi anjo bansa-bansaya anre'resangko mae ri bontoa.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

PIRAUNG 1:22

Parhatikangi anjo sikontu kaja'dallanna ke'nanga, na Kigaukang mae ri ke'nanga kamma Kigaukanga mae ri nakke lanri sikontu dosa kugaukanga mae ri Katte. Akkunrarenga' lalang ri ballasakku, si'na nyawaku kuta'ronang-ronang.”

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YESAYA 42:17

Tau tappaka mae ri patung barhalaya na naakui ke'nanga a'jari allata'alana, lanihinai siagang lanipakasiriki.”

PAMMUJI 129:5

Boli'mi sikamma tau birisika ri Sion nibetai siagang ditunrungi ammunduru'.

PAMMUJI 35:4

Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.

PAMMUJI 31:10

Kikamaseanga', o, Batara, saba' niakka' lalang kasusaang; paccemi matangku napakamma angngarru', ta'ronammi nyawaku siagang batangkalengku.

AYUB 18:8

A'jappai lalang sikko', takkai'mi bangkenna.

PAOLE 28:65

Manna kemaeko tena nulanggappa kasannangngang, tena tampa' lakkulle nukana ikau pata; laNapa'jari lussa' sikaliko Batara siagang laNapa'jari tappu' minasako natena panrannuannu.

PAMMUJI 38:8

Nitunui ri rammusu' tubuku, tenamo baji' ri batangkalengku.

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

KALAPPASSANG 12:9

Anjo ana' gimbalaka musti nilangga ngasengi, kabusu'na siagang ulunna, bangkenna siagang bone battanna. Kanremi anjo dageng le'baka nilangga, teako nia' nukanre mata yareka nipallu.

PIRAUNG 3:11

Naondanga' sanggengku ammengka ri oloanga, na Nakae-kae batangkalengku nampa Nabokoia'.