PAPPICINI' 9:6 - KITTA' MATANGKASA'

⁶ Limambulangi sallona nausahai ke'nanga ero' mate, mingka takkulleai mate ke'nanga; eroki ke'nanga mate, mingka bellai kamateanga battu ri ke'nanga.

PAPPICINI' 9:6 Referans Kwoze

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

LUKAS 23:30

Iaminjo wattua nalanakana taua ri bulu'-buluka, ‘Tujuma'!’ Siagang lanakana mae ri bonto-bontoa, ‘Tambungima'!’

PAPPICINI' 6:16

Akkio'mi ke'nanga mae ri buluka siagang batu-batua, angkana, “Tujumi naung ikambe! Cokkoi ikambe battu ri paccini'Na anjo ammempoa irate ri empoang kala'biranga, siagang battu ri pangngalarroiNa anjo Ana' Gimbalaka!

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

2 SAMUEL 1:9

Nampa nakanamo ri atanta, ‘Maeko, na nubunoa'! Sarringi lokokku, siagang a'birimma' mate.’