PAPPICINI' 9:2 - KITTA' MATANGKASA'

² Jari nasungkemi anjo bintoenga anjo tubiri'na kamateanga; na nia'mo umbu assulu' battu ri anjo tubiri' tassungkea, sangkamma umbunna bara kayu lompoa. A'jari sassammi mataalloa siagang linoa napakamma anjo umbu battua ri tubirika.

PAPPICINI' 9:2 Referans Kwoze

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

YO"EL 2:30

Jai gau' malompo laKugaukang ri langika siagang ri buttaya. Lania' cera' assolong, pepe' a'rinra siagang umbu a'gompo.

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.

PAPPICINI' 14:11

Anjo umbunna pepe' ansessayai anjo taua lanaiki turus sa'genna satunggu-tungguna. Allo bangngi tena nale'ba' ammari nisessa ke'nanga, iamintu sikamma tau anynyombaya ri anjo olo'-oloka siagang patunna, sikamma tau niaka pammateina areng battu ri anjo olo'-oloka.”

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.

PAPPICINI' 9:17

Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

DANIEL 3:6

Inai-nai tena naturuki anne parentaya, lanipasambila silalonnai antama' ri pepe' a'rinra-rinraya.”

PAPPICINI' 9:1

Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

PAPPICINI' 9:11

Nia' karaenna, amparentayai ke'nanga; na anjo karaenna ke'nanga iamintu malaeka' anjagayai tubiri'na kamateanga. Arenna ilalang bicara Ibrani iamintu Abadon; na lalang bicara Yunanina iamintu Apolion (battuanna “Pammanrakia”).

PAPPICINI' 16:10

Nampa natumpami bonena pammoneanna anjo malaeka' makalimaya mae ri empoang kala'biranna anjo olo'-oloka. Na'jari sassang ngasemmo sikontu pa'rasangang naparentaya anjo olo'-oloka, namassing nakokko'mo lilana rupataua napakamma pa'risi'.