PAPPICINI' 9:1 - KITTA' MATANGKASA'

¹ Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

PAPPICINI' 9:1 Referans Kwoze

PAPPICINI' 8:10

Nampa napasa'ra tarompe'na malaeka' makatallua; na nia'mo se're bintoeng lompo, a'rinra-rinraya sangkamma sulo, tu'guru' battu rate ri langika, nanatuju bage talluna sikontu binangaya siagang sikontu timbusenna je'neka.

PAPPICINI' 9:2

Jari nasungkemi anjo bintoenga anjo tubiri'na kamateanga; na nia'mo umbu assulu' battu ri anjo tubiri' tassungkea, sangkamma umbunna bara kayu lompoa. A'jari sassammi mataalloa siagang linoa napakamma anjo umbu battua ri tubirika.

ROMA 10:7

yareka ‘Inaika lanaung ri pammantanganna tau matea?’ (battuanna angngangkaki nai' Almasi battu ri kamateanga.)”

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 20:1

Le'baki anjo nia'mo kucini' se're malaeka' naung battu ri suruga. Nia' nata'gala' ri limanna koncina tubiri'na kamateanga siagang passikko' lompo.

PAPPICINI' 17:8

Anjo olo'-oloka le'baki attallasa' pirangalloang, mingka kamma-kamma anne tenamo nattallasa'. Sinampe' mami nassulu'mo battu ri tubiri'na kamateanga nampa mange ri kapanrakanga. Sikamma tau attallasaka ri lino, natena tattulisi' arenna lalang Kitta' Tau Attallasaka ri wattu tenanapa nanipa'jari linoa, lalannasaki ri wattunna nacini' anjo olo'-oloka. Nasaba' le'baki attallasa' anjo olo'-oloka pirangalloang. Kamma-kamma anne tenamo nattallasa', mingka lammumba poleangi ammotere'.

LUKAS 8:31

Napala' dudumi anjo setang-setanga sollanna tena nibongkai ri Isa naung ri Kalo'banna Kamateanga.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.

PAPPICINI' 8:2

Nampa kucini' anjo tujua malaeka' ammentenga ri dallekanNa Allata'ala, siagang nisarei ke'nanga tuju tarompe'.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

LUKAS 10:18

Appialimi Isa Nakana, “Kucini'mi Billisika tu'guru' battu rate ri langika sangkamma kila'.

YESAYA 14:12

He karaeng Babel, riolo ikau bintoeng bari'basa' accayaya, mingka kamma-kamma anne tu'guru' mako battu rate ri langika! Riolo nubetai bansa-bansaya, mingka kamma-kamma anne nipasambilamako ri buttaya.

PAPPICINI' 6:13

Tu'guru'mi sikamma bintoenga battu ri langika naung ri buttaya, sangkamma rappo ara tenayapa natoa tu'guru' battu rate ri poko'na ri wattunna nige'gosang ri anging lompo.

PAPPICINI' 11:7

Le'baki napabattu birittana ke'nanga, laniewami ke'nanga ri anjo olo'-olo' assuluka battu ri tubiri'na kamateanga. Lanibetai siagang lanibunoi ke'nanga.