PAPPICINI' 8:3 - KITTA' MATANGKASA'

³ Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.

PAPPICINI' 8:3 Referans Kwoze

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

PAPPICINI' 8:4

Anjo pappala' doanganna sikontu Umma'Na Allata'ala nai'mi siagang umbuna anjo dupa nitunua, battu ri limanna anjo malaeka' ammentenga ri dallekanNa Allata'ala.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

LUKAS 1:10

Sitabanna nitunu kamanynyanga, assambayammi tau jaia pantarang.

PAPPICINI' 9:13

Nampa napasa'ra tarompe'na malaeka' makaannanga. Nia'mo kulangngere' sa'ra battu ri appaka panyingkulu'na anjo tampa' pakkoro'bangngang bulaenga nipare' niaka ri dallekanNa Allata'ala.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

KALAPPASSANG 40:26

Napadongkoki tampa' pattunuang dupa bulaenga lalang ri Kemaya, ri dallekanna kaenga,

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

AMOS 9:1

Kuciniki Batara ammenteng ri ampi'na tampa' pakkoro'bangnganga. Napassareangi anne parenta kammaya, “Tunrung sarringi sikamma ulu bentenga ri BallakKu sollanna ta'goccang kabusu' pattiro-tiroanga. Rumbang kabusuki anjo sikamma benteng mae ri tuju ulunna taua. Tenaya namate laKubunoi lalang ri pa'bundukanga. Tena manna sitau lakkulle lari yareka ta'lappasa'.

PAPPICINI' 7:2

Nampa nia' pole kucini' se're malaeka' maraengang ammumba battu raya. Angngerangi segele' battua ri Allata'ala Mattallasaka. Nalompoimi sa'ranna anjo malaekaka akkio', angkioki anjo appaka malaeka' le'bakamo anggappa koasa battu ri Allata'ala untu' ampanraki bontoa siagang tamparanga.

PAPPICINI' 6:9

Le'baki anjo Nareppe'mi anjo Ana' Gimbalaka segele' makalimaya. Kucini'mi irawanganna anjo tampa' koro'banga nyawana ngaseng anjo tu nibunoa lanri najarrekinna anjo biritta battua ri Allata'ala tete ri kasa'bianna ke'nanga.

PAPPICINI' 10:1

Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

PAMMILANGNGANG 4:11

Le'baki anjo musti akka'rangi ke'nanga silawara' kaeng gau' irate ri anjo tampa' pakkoro'bangngang bulaenga nipare', siagang narangkaki silawara' kaeng kukkulu' alusu', nampa napataba anjo kayu pa'bule' tampa' pakkoro'bangnganga.

YESAYA 6:6

Nampa kalase'renna anjo apa anri'baka battu mae ri nakke angngerang bara pepe' naallea battu ri tampa' pakkoro'bangnganga, naalle siagang sipi'.

YEHEZKIEL 41:22

Tinggina 1,5 metere' na sangkara'na 1 metere'. Sikamma panyingkulu'na, pa'lapa'na siagang rinrinna battu ri kayu nipare'. Anjo tu bura'nea nakana ri nakke, “Iaminne mejang niaka ri dallekang kahaderanNa Batara.”

PAPPICINI' 8:5

Nampa naalle anjo malaekaka anjo pa'dupanga, na nasare pepe' battua ri tampa' pakkoro'bangngang, nampa napasambila irateanganna buttaya. Assa'ra lompomi gunturuka siagang assisambung-sambummi kilaka; kammayatompa ta'ge'goso'mi buttaya.

PAPPICINI' 14:18

Le'baki anjo, nia'mo pole se're malaeka' maraengang, iamintu malaeka' makoasaya ri pepeka, battu ri tampa' pakkoro'bangnganga. Akkio' lompomi mae ri anjo malaeka' anna'galaka kandao tarang angkana, “Soeammi kandaonu nanukere' ngaseng sikontu rapponna anggoroka ri buttaya, nasaba' ti'no' ngasemmi rapponna!”