PAPPICINI' 8:10 - KITTA' MATANGKASA'

¹⁰ Nampa napasa'ra tarompe'na malaeka' makatallua; na nia'mo se're bintoeng lompo, a'rinra-rinraya sangkamma sulo, tu'guru' battu rate ri langika, nanatuju bage talluna sikontu binangaya siagang sikontu timbusenna je'neka.

PAPPICINI' 8:10 Referans Kwoze

PAPPICINI' 16:4

Nampa natumpami bonena pammoneanna anjo malaeka' makatallua naung ri sikamma binangaya siagang sikamma timbuseng je'neka, sa'genna a'jari cera' je'ne'na.

PAPPICINI' 9:1

Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

YESAYA 14:12

He karaeng Babel, riolo ikau bintoeng bari'basa' accayaya, mingka kamma-kamma anne tu'guru' mako battu rate ri langika! Riolo nubetai bansa-bansaya, mingka kamma-kamma anne nipasambilamako ri buttaya.

PAPPICINI' 6:13

Tu'guru'mi sikamma bintoenga battu ri langika naung ri buttaya, sangkamma rappo ara tenayapa natoa tu'guru' battu rate ri poko'na ri wattunna nige'gosang ri anging lompo.

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

LUKAS 10:18

Appialimi Isa Nakana, “Kucini'mi Billisika tu'guru' battu rate ri langika sangkamma kila'.

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

2 PATTOTTORANG 32:3

natappukimi siagang pagawe-pagawena siagang perwira-perwirana untu' antongkoki tampa'-tampa' pammantangngang je'ne' niaka ri pantaranna kotaya, sollanna tena nanggappa je'ne' tu Asyur punna battu ke'nanga mange ri ampi'na Yerusalem. Sanna' jaina tu nipajama untu' antongko' kabusuki sikontu timbuseng je'ne' assolong assuluka ri pantaranna kotaya.

HAKING-HAKING 15:11

Nalangngere'na anjo a'lampami tu Yehudaya nia' 3.000 tau mange ri kali'bong batu niaka irate bulu' batu, ri Etam. Nakanamo ke'nanga anjoreng, “Simson, tenaka nanuassengi angkanaya nakoasaiki' tu Filistin? Apa anne nugaukang mae ri kambe?” Appialimi Simson angkana, “Musti kubalasaki apa le'baka nagaukang ke'nanga mae ri nakke.”

ZAKHARIA 13:8

na ruambageang talluna sikontu pandudu'na pa'rasanganga lamate.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

MATIUS 25:1

“Punna battu Ana' Ma'rupataua salaku Batara, lakammai anne pangngebaranna: Nia' sampulo tulolo paerang bunting, massing angngalle sulo, nampa a'lampa mange anruppai bunting bura'nea.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.

PAPPICINI' 9:15

Nilappassammi anjo appaka malaeka'. Nipasadiami ke'nanga untu' ambunoi bage talluna sikontu rupataua; massing nipasadiai ke'nanga angkana untu' tette' siapa, allo apa, bulang siapa, siagang taung siapa nasadia ke'nanga ammuno.

PAPPICINI' 9:18

Iaminjo assuluka battu ri bawana anjo jaranga, iamintu: pepe', umbu siagang bara pepe' ampanraki siagang ambunoi bage talluna sikontu rupataua.