PAPPICINI' 7:12 - KITTA' MATANGKASA'

¹² Akkio'mi ke'nanga angkana, “Aming! Nipujimi Allata'ala Mala'birika siagang Mabajika. Iami siratanga nipitujui alla'bi-la'bi kasukkurang siagang pappakalompo. Iami makoasa siagang magassing sa'genna satunggu-tungguna! Aming.”

PAPPICINI' 7:12 Referans Kwoze

YUDAS 1:25

Iami Allata'ala, tenaya ruanNa; Iami ampasalamakki' tete ri Isa Almasi Batarata. Iami Allata'ala Mala'birika, Malompoa, Makoasaya, kammayatompa Magassinga battu riolo sa'genna kamma-kamma anne kammayatompa sa'genna satunggu-tungguna! Aming.

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

PAMMUJI 100:4

Antama' mako battu ri pakke'bu' lompona siagang kelong sukkuru', antama' ri balla' luara'na siagang lagu pammuji-muji. Sukkurukko mae ri Ia siagang pujimi!

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

PAMMUJI 147:7

Kelongangi pammuji-mujia mae ri Batara, ko'biki kacapia mae ri Allata'alata.

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 89:52

Musu-musunTa nahinai karaeng nipileTa, o, Batara, manna kemae lampana tuli nacau-caui.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

KOLOSE 2:7

siagang anna'gala' majarre' mako mae ri Ia. Parallui nubangung katallassannu lalang ri Isa Almasi, sanrapanga batu majarre'. Parallui pila' majarre' tappa'nu mae ri Isa situru' apa le'baka nipangngajarrang mae ri kau. Siagang paralluko tamalanrea appala' sukkuru'.

2 KORINTUS 4:15

Yangasenna anjo, untu' kaparalluannu ngaseng. Nasaba' punna pila' jai tau angkasiaki pangngamaseanNa Allata'ala, pila' jai tommi pappala' sukkuru' nipanai' ri Allata'ala; jari nipakala'biri'mi Allata'ala.

PAMMUJI 116:17

Langngeranga' koro'bang sukkuru' mae ri Katte, nakuappanai' pappala' doang mae ri Katte.

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 95:2

Umba kimandallekang ri Ia siagang kelong kasukkurang, akkio' rannu ri Ia siagang lagu pammuji.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

NEHEMIA 12:46

Battu ri jammanna iji Karaeng Daud siagang panrita musi' niarenga Asaf, nanagaukammo sikamma pakelonga akkelong-kelong mammujia appala' sukkuru' mae ri Allata'ala.

NEHEMIA 12:8

Tu Lewi Pamimping kelong sukkuruka: Yesua, Binui, Kadmiel, Serebya, Yehuda, siagang Matanya.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

1 KORINTUS 14:16

Nasaba' punna rohnuji bawang appala' sukkuru' mae ri Allata'ala, nania' tau maraeng tena napahangi anjo bicara appakalannasa' battua ri RohNa Allata'ala, takkulleai anjo taua angkana, “Cocoka'” siagang anjo pappala' sukkuru'nu lalang pappala' doangannu; nasaba' tanaassengai angkana apa anjo nupaua.