PAPPICINI' 7:10 - KITTA' MATANGKASA'

¹⁰ Nampa akkio' lompo ke'nanga angkana, “Battu anjorengi ri Allata'ala kasalamakkanta, niaka ammempo irate ri empoang kala'biranga, siagang battu anjorengi ri anjo Ana' Gimbalaka!”

PAPPICINI' 7:10 Referans Kwoze

PAPPICINI' 19:1

Le'baki anjo nia'mo kulangngere' sa'ra gamarrunna tau jaia battu ri suruga, akkiok-kio' angkana, “Pujimi Allata'ala! Allata'alata, iamintu Allata'ala Mappasalamaka; Ia Allata'ala Mala'biri' siagang Makoasa!

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

PAPPICINI' 22:3

Tena sikali lalang ri anjo kotaya apa-apa akkullea nataba pangngalarroiNa Allata'ala. Anjo empoang kala'biranNa Allata'ala siagang Ana' Gimbalaka niaki lalang ri anjo kotaya. Lanynyombami sikamma atanNa Allata'ala mae ri Allata'ala;

EFESUS 2:8

Nakarimangngiko Allata'ala. Iaminjo Nanapasalamakko, lanri tappa'nu mae ri Isa. Anjo kasalamakkannu, teai wassele' usaha kalennu. Mingka passare malammoro'Na Allata'ala. Jari, tena manna sitau akkulle ampattampo-tampoangi kalenna ri anjo passalaka.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YESAYA 43:11

INakke Kale-kalengKu Batara, pantaranganna iNakke tena appasalama'.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”

LUKAS 3:6

Lanacini'mi sikontu bonena linoa Napasalama' Allata'ala rupataua!’ ”

YEREMIA 3:23

Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.

PAPPICINI' 5:7

Nampa maju anjo Ana' Gimbalaka angngallei anjo gulungang kittaka battu ri lima kananNa anjo ammempoa irate ri empoang kala'biranga.

PAPPICINI' 4:6

Nia' todong ri dallekanna anjo empoang kala'biranga sangkammaya nicini' tamparang kaca, sannaka ci'nonna nicini'. Ri tammulilina anjo empoang kala'biranga, iamintu ri sikamma sa'rinna, nia' appa' anu attallasa', sannaka jaina matanna ri dallekanna siagang ri bokona.

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.

YOHANES 1:36

Ri wattunna nacini' Isa ammalo, nakanamo, “Ciniki! Iaminjo Ana' Gimbala'Na Allata'ala.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

HOSEA 13:4

Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

YESAYA 45:15

Allata'ala ampasalamaki Israel Iami Allata'ala ancokkoai KalenNa.

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

PAMMUJI 37:39

Napasalamaki Batara tau bajika, Najagai ke'nanga ri wattu kasukkarranna.

ZAKHARIA 4:7

Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ”