PAPPICINI' 6:5 - KITTA' MATANGKASA'

⁵ Nampa Nareppe' anjo Ana' Gimbalaka segele' makatallua. Nakulangngere'mo olo'-olo' makatallua angkana, “Maeko!” Kucinikimi, nampa nia' kucini' sikayu jarang le'leng. Pabaena anna'galaki sipasang timbangang ri limanna.

PAPPICINI' 6:5 Referans Kwoze

ZAKHARIA 6:2

Anjo sikammaya kareta massing nibesoki ri ayoka jarang; makase'rea jarang eja, makaruaya jarang le'leng,

ZAKHARIA 6:6

Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”

YEHEZKIEL 4:16

Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

PAPPICINI' 6:1

Le'baki anjo kucini'mi anjo Ana' Gimbalaka anreppeki segele' makase'rea ri anjo tujua segele'. Nampa kulangngere' kalase'renna anjo appaka anu attallasa' angkana, “Maeko!” Ia sa'ranna sangkammai gunturu'.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

YEHEZKIEL 4:10

Anjo rotia musti nubage bajiki sa'genna tunggala' allo nukanrei 230 garang. Takkulleai la'bi.

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

MATIUS 24:7

Bansa se'rea la'bunduki siagang bansa maraenga, siagang se'rea pa'rasangang lanabakkai pa'rasangang maraenga. Ri kere-keremae lakajariangi bala kacipuranga siagang lata'ge'gosoki linoa.