PAPPICINI' 6:14 - KITTA' MATANGKASA'

¹⁴ Lanynya'mi langika sangkamma karattasa' nigulunga, siagang sikontu buluka siagang puloa a'lesso' ngasengi battu ri tampa'na.

PAPPICINI' 6:14 Referans Kwoze

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

PAPPICINI' 16:20

Lanynya' ngasemmi sikontu pulo-puloa, kammayatompa sikontu buluka lanynya' ngaseng tommi.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

PAMMUJI 102:26

riolo iKatte ampa'jari linoa; langika pole bate paretTa todong.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

YEHEZKIEL 38:20

Kabusu'na jukuka siagang jangang-janganga, sikontu olo'-olo' lompoa siagang ca'dia, kammayatompa sikontu rupataua ri lino, lannekkereki napakamma malla' andallekangA'. Laruntungi sikamma monconga, lala'boroki sikamma ta'binga, siagang larumbangi sikamma temboka.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

PAPPICINI' 21:1

Nampa nia'mo kucini' langi' beru siagang lino beru. Tenami langi' uru-urua siagang lino uru-urua; kammayatompa tamparanga lanynya' tommi.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

YEREMIA 3:23

Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.