PAPPICINI' 6:13 - KITTA' MATANGKASA'

¹³ Tu'guru'mi sikamma bintoenga battu ri langika naung ri buttaya, sangkamma rappo ara tenayapa natoa tu'guru' battu rate ri poko'na ri wattunna nige'gosang ri anging lompo.

PAPPICINI' 6:13 Referans Kwoze

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

PAPPICINI' 9:1

Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

DANIEL 8:10

Anjo tanruka a'jari pila' lompoi sa'genna gassimmo angngewai tantara suruga iamintu sikamma bintoenga, ba'lalo nia' siapa are napasambila naung ri buttaya nampa naonjo'-onjokang.

YEHEZKIEL 32:7

Ri wattunnu Kupanraki, langika laKubomboki, siagang sikamma bintoenga laKupa'jari matei rinrana. LaKucokkoi mataalloa ribokona rammanga siagang bulanga tenamo naccaya.

LUKAS 21:25

“Lania' sallang pammatei irate ri alloa, ri bulanga, siagang ri bintoeng-bintoenga. Lamallaki siagang lalingui bansa-bansaya ri lino, andallekangi anging lompona siagang bombanna tamparanga.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

NAHUM 3:12

Sikontu pattahangannu larapangi poko' ara sannaka jaina rapponna ti'nokamo. Punna nige'goso' anjo poko'na, latu'guruki rapponna ngaseng antama' ri bawana tau eroka angkanrei.

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

YESAYA 33:9

Nibokoimi pa'rasanganga a'jari sino. Ta'ronammi romang-romanna Libanon, sikamma ka'bunna Saron copponga a'jari sangkammami parang luara'. Ri Basan siagang ri Moncong Karmel ru'rusu'mi leko'-leko' kayua.

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

MARKUS 13:25

Latu'guru' ngasemmi bintoenga battu ri langika. Na sikamma tau makoasa niaka lalang lino la'jari sanna'mi ricuna.

AYUB 15:33

Rapang poko' anggoro' lelasa' runang rapponna, rapang poko' zaitun runtung bungana.