PAPPICINI' 6:10 - KITTA' MATANGKASA'

¹⁰ Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

PAPPICINI' 6:10 Referans Kwoze

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

PAPPICINI' 11:18

A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

ZAKHARIA 1:12

Nampa nakanamo anjo malaekaka, “O, Batara Kaminang Koasaya, tujupulo taummi salloTa larro mae ri kota Yerusalem siagang kota-kota niaka ri Yehuda. Siapapi salloTa tuli lalarro siagang tena naKipammopporangi ke'nanga?”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.

PAMMUJI 79:10

TeaKi' lappassangi bansa maraenga akkuta'nang ri kambe, angkana, “Kemaeji Allata'alana ke'nanga?” Boli'mi kamma naccini' ikambe pa'balasa' mae ri bansa-bansa ambunoai ata-atanTa.

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

DANIEL 12:6

Anjo se'reanga akkuta'nangi ri anjo ammentenga la'bi ambania mae ri ulunna binangaya angkana, “Angngapapi nalammari anne kajariang-kajariang appakalannasaka?”

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

PAMMUJI 35:17

Sa'genna kemae wattu, o, Batara, sa'genna kemae wattu, Kicini'-cinikija' bawang? Kipasalama' laloa' battu ri pa'bakkana ke'nanga, Kipasalamaki nyawaku battu ri anjo singa-singaya.

PAMMUJI 13:1

Untu' pamimping pakelong. Pammujina Daud.

HAKING-HAKING 16:28

Anjo wattua appala' doammi Simson. Nakana, “O Batara Kaminang Tinggia, poro Kiu'rangi laloa'. Kisare laloa' pole kagassingang anne sikalia, o Allata'ala, sollanna lalang kammana anne akkullei kubalasa' tu Filistin le'baka ampasuluki lisere' matangku”.

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

PAMMUJI 119:84

Sa'genna siapa sallona musti sa'bara' anne atanTa? Angngapapi nalaKihukkung tau angngondangia'?

LUKAS 2:29

“Anne kamma, o Batara, Kirupaimi janjinTa. Boli'mi kamma ammoterang atanTa siagang sannang.

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

PIRAUNG 3:64

Kihukkung laloi ke'nanga situru' panggaukanna o Batara.