PAPPICINI' 4:7 - KITTA' MATANGKASA'

⁷ Anjo anu se'rea sangkammai singa. Makaruaya sangkammai sapi laki. Makatallua sangkammai tau rupanna. Anjo makaappaka sangkammai nicini' jangang-jangang rajawali, sitabanga anri'ba'.

PAPPICINI' 4:7 Referans Kwoze

YEHEZKIEL 10:14

Tunggala' anjo malaeka' akka'nyika massing appa' rupanna, tenaya nasangkamma-kamma rupanna. Rupanna uru-urua iamintu attanja' kammai sapi liara', makaruaya attanja' sangkammai tau, makatallua attanja' sangkammai singa, siagang makaappaka attanja' sangkammai jangang-jangang rajawali.

YEHEZKIEL 1:10

Tunggala' anjo apa attallasaka appa' ngaseng rupanna, mingka simmara'-maraengi anjo appaka rupanna; rupanna ri dallekanga attanja' taui, rupanna ri sa'ri kanang attanja' singai, rupanna ri kairia attanja' sapi liaraki, siagang rupanna ri bokoanga attanja' rajawali.

YEHEZKIEL 10:21

Anjo malaeka'-malaeka' akka'nyika massing appa' rupanna, ruampasang ka'nyi'na, siagang massing nia' nicini' kamma lima tau irawanganna anjo ka'nyi'na.

PAPPICINI' 4:6

Nia' todong ri dallekanna anjo empoang kala'biranga sangkammaya nicini' tamparang kaca, sannaka ci'nonna nicini'. Ri tammulilina anjo empoang kala'biranga, iamintu ri sikamma sa'rinna, nia' appa' anu attallasa', sannaka jaina matanna ri dallekanna siagang ri bokona.

DANIEL 7:4

Makase'rea sangkammai tanja'na singa, mingka nia' ka'nyi'na iamintu ka'nyi' jangang-jangang garuda. Ri wattunna kuciniki, ti'ring ta'bi'bu'mi ka'nyi'na nampa ta'lappasa'; ta'angkaki battu ri buttaya nampa nipaenteng lambusu' ri ruaya bangkeng sangkamma tau, nampa nisare akkala' rupatau.

YEHEZKIEL 1:8

Pantaranganna anjo appaka rupanna siagang ruampasanga ka'nyi'na, nia' todong limanna ke'nanga, iamintu lima tau irawanganna tunggala' ka'nyi'na ke'nanga.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

OBAJA 1:4

Manna pole nupare' balla'nu santinggi ru'munna jangang-jangang rajawali, siagang santinggi bintoenga ri langi', mingka ma'nassa laKutu'gurangko.

PANGNGEBARANG 28:2

Punna doraka bansaya, assisambe-sambeangi pamarentana; punna cara'de' pamimpinga, lattahangi anjo bansaya siagang latuli kassaki.

2 SAMUEL 1:23

Saul siagang Yonatan, kamma sombere'na siagang nikamaseangi; tuli akkana se're lalang tallasa'na siagang lalang matena; la'bi lintaki na jangang-jangang garuda, la'bi gassingi na singa rungkaya.

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

PAPPICINI' 6:3

Nampa Nareppe' pole anjo Ana' Gimbalaka segele' makaruaya, siagang kulangngere'mi olo'-olo' makaruaya angkana, “Maeko!”

PAPPICINI' 6:5

Nampa Nareppe' anjo Ana' Gimbalaka segele' makatallua. Nakulangngere'mo olo'-olo' makatallua angkana, “Maeko!” Kucinikimi, nampa nia' kucini' sikayu jarang le'leng. Pabaena anna'galaki sipasang timbangang ri limanna.

PAPPICINI' 6:7

Nampa Nareppe' anjo Ana' Gimbalaka segele' makaappaka. Nakulangngere'mo anu attallasa' makaappaka angkana, “Maeko!”