PAPPICINI' 4:6 - KITTA' MATANGKASA'

⁶ Nia' todong ri dallekanna anjo empoang kala'biranga sangkammaya nicini' tamparang kaca, sannaka ci'nonna nicini'. Ri tammulilina anjo empoang kala'biranga, iamintu ri sikamma sa'rinna, nia' appa' anu attallasa', sannaka jaina matanna ri dallekanna siagang ri bokona.

PAPPICINI' 4:6 Referans Kwoze

PAPPICINI' 15:2

Le'baki anjo nia'mo kucini' apa sangkammaya nicini' tamparang kaca accampuruka pepe'. Kucini' tommi tau le'bakamo ammeta ri anjo olo'-oloka siagang patunna, siagang ammetayamo mae ri anjo tau nibateia lomoro' arenna. Ammenteng ngasemmi anjo tau ammetayamo ri birinna tamparang kacaya, nanata'gala' kacapi Napassareanga Allata'ala mae ri ke'nanga.

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.

PAPPICINI' 14:3

Na ri dallekanna anjo empoang kalompoanga, siagang appaka olo'-olo', kammayatompa sikamma anjo pamimping akkulilinga ri anjo empoang kala'biranga, akkelong ngasemmi anjo tau 144.000 jaina. Kelongang beru anjo nakelonganga ke'nanga. Manna inai takkulleai napappilajari anjo kelonga, pantaranganna anjo tau 144.000 jaina. Yangasemmi anjo ke'nanga tau le'baka nilappassang battu ri linoa.

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

YEHEZKIEL 10:14

Tunggala' anjo malaeka' akka'nyika massing appa' rupanna, tenaya nasangkamma-kamma rupanna. Rupanna uru-urua iamintu attanja' kammai sapi liara', makaruaya attanja' sangkammai tau, makatallua attanja' sangkammai singa, siagang makaappaka attanja' sangkammai jangang-jangang rajawali.

YEHEZKIEL 10:12

Sibatu kalenna ke'nanga, salangganna, limanna, ka'nyi'na siagang roda-rodana, rassi kabusuki mata.

PAPPICINI' 7:11

Sikontu malaekaka ammentengi angkulilingi empoang kala'biranga siagang sikamma anjo pamimpinga, kammayatompa anjo appaka anu attallasa'. Su'ju' ngasengi anjo malaekaka ri dallekanna empoang kala'biranga nampa anynyomba ri Allata'ala.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 21:21

Anjo sampuloa anrua pakke'bu' lompona iamintu sampulo anrua mutiara; tasse're-se'rea pakke'bu' massing mutiara nipare'. Agang lompona anjo kotaya sangnging bulaeng ti'no' nipare', ci'nong nicini' sangkamma kaca accillaka.

PAPPICINI' 21:18

Anjo tembo'na kotaya batu baiduri moncongbulo nipare'; nampa kotana iamintu bulaeng ti'no' nipare', ci'nong sangkamma kaca.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

1 KARAENG-KARAENG 7:23

Nampa appare' Huram se're bongki tambaga a'bundala', ia ukkuranna iamintu: lantanna 2,2 metere', la'buna garisi' tangngana 4,4 metere', siagang kalu'na 13,2 metere'.

AYUB 28:17

Bulaenga siagang kaca alusu' takkulleai sangkamma anggaranna, takkulleai nibayara' siagang paramata bulaeng toa.

KALAPPASSANG 38:8

Appareki Bezaleel ba' tambaga; pa'lapa'na irawa tambaga nipare'. Anjo tambagaya battu ri carammenna ngaseng sikamma bai'-baine allayania ri pakke'bu' KemaNa Batara.

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

PAPPICINI' 5:11

Nampa accinikka' pole. Nia' kulangngere' sa'ra malaeka' assa'bu-sa'bu siagang a'juta-juta jaina! Ammentengi ke'nanga angkulilingi anjo empoang kala'biranga siagang anjo appaka anu attallasa' kammayatompa anjo ruampuloa angngappa' pamimping.

PAPPICINI' 6:1

Le'baki anjo kucini'mi anjo Ana' Gimbalaka anreppeki segele' makase'rea ri anjo tujua segele'. Nampa kulangngere' kalase'renna anjo appaka anu attallasa' angkana, “Maeko!” Ia sa'ranna sangkammai gunturu'.

PAPPICINI' 6:6

Na nia'mo kulangngere' se're sa'ra, kammaya nilangngere' sa'ra akkioka ri tangnga-tangngana anjo appaka anu attallasa'. Nakana anjo sa'raya, “Silitere' berasa' baji' singnganggaraki passawallang siallo, siagang tallung litere' berasa' maraeng singnganggara' tongi passawallang sialloa. Mingka teako panraki poko'-poko' zaitunga siagang koko anggoroka!”