PAPPICINI' 3:21 - KITTA' MATANGKASA'

²¹ Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 3:21 Referans Kwoze

2 TIMOTIUS 2:12

Punna tuli sa'barakki' lammarenta tommaki' siagang Ia. Punna tanitarimayai, talaNatarimaya tommaki'.

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

PAPPICINI' 6:2

Kucinikimi, nampa nia' kucini' sikayu jarang kebo'. Pabaena anjo jaranga anna'galaki anrong pana, nanisare se're songko' kakaraengang. Majui mae ri dallekang salaku tau ammeta mangea angngallei pammetanna.

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

YOHANES 13:32

Punna nipakala'biri'mo Allata'ala lalang ri KalenNa Ana' Ma'rupataua, lanipakala'biri' tommi ri Allata'ala anjo Ana' Ma'rupataua lalang ri KalenNa todong. Ba'lalo lanipakala'biri'mi linta' ri Allata'ala.