PAPPICINI' 3:2 - KITTA' MATANGKASA'

² Lanri kammana, ambangungko nai', siagang pakajarreki apa niaka ija ri kau ngaseng, genteng tenanapa numate taba sikali. Nasaba' Kurapikangi angkanaya anjo apa nugaukanga tenapa manna se're a'jari sukku' baji'na ri dallekanNa Allata'ala.

PAPPICINI' 3:2 Referans Kwoze

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

YESAYA 35:3

Pakajarreki limanna tau lammaya, kassaki kulantu' ta'lenggaya.

2 PATTOTTORANG 25:2

Nagaukangi Amazia gau' Nangaia Batara, mingka sitangngaji pa'mai'na.

LAMPA-LAMPANA 18:23

Niaki siapa are sallona ammantang anjoreng. Le'baki anjo a'lampami angkunjungi jamaah-jamaah niaka ri daera Galatia siagang Frigia ero' ampakajarreki tappa'na sikontu anggota jama'aka.

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

PAOLE 3:28

Ajara'mi siagang saremi pangngunju' Yosua. Pakajarreki pa'mai'na, nasaba' iami lampimpingi anjo bansaya untu' a'limbang siagang angngallei anjo pa'rasangang nucinika.’

PAPPICINI' 2:4

Mingka nia' Kukabattallang mae ri kau ngaseng, iamintu: Tenamo nanukamaseangA' sangkamma ri pakaramulanna.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

DANIEL 5:27

nitimbang, iamintu le'ba' maki' nitimbang nampa niassemmo angkanaya tena matu-matunta;

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

ZAKHARIA 11:16

Nasaba' nia' sitau pakalawaki laKusuro untu' anjagai sikamma gimbalakKu, mingka tena najampangi gimbala' tappelaka; tena naboyai gimbala' sala oloanga, tena todong naballei gimbala' bokkaka, kammayatompa tena nasarei kanre gimbala' attallasaka ija. Ba'lalo ia kalenna angkanrei dagenna gimbala' kaminang co'moka siagang nabi'buki sikamma kanukunna anjo olo'-oloka.

AYUB 16:5

Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

PAPPICINI' 3:1

“Untu' mae ri malaeka'na jama'ah Sardis tulisiki kamma anne: Iaminne pappasang battu ri Ia ampatangai anjo tujua roh battu ri Allata'ala siagang anjo tujua bintoeng. Kuassengi apa nugaukanga ngaseng. Nukana kalennu attallasa' nusikontutojenna mate!

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.

MATIUS 25:7

Ambangummi anjo sampuloa tulolo na massing naparinra sulona ke'nanga.