PAPPICINI' 3:19 - KITTA' MATANGKASA'

¹⁹ Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

PAPPICINI' 3:19 Referans Kwoze

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

YEREMIA 10:24

Pangngajarimi ikambe o Batara, mingka teaKi' pamma'ji pa'risi' dudua. Tea tongKi' hukkungi ikambe punna lalang larroKi', nasaba' mattantu lapanra' ngasengi ikambe.

YEREMIA 7:28

Jari, pauangi ke'nanga angkanaya anjo ke'nanga bansa taero' mappilangngeri ri Nakke, Batara, Allata'alana ke'nanga. Taerokai ke'nanga appilajara' battu ri hukkungang le'baka nakasia' ke'nanga. Lanynya'mi kajarrekanna ke'nanga mae ri Nakke, ba'lalo tenamo nanibicarai.”

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PAMMUJI 69:9

A'jaria' sanrapang bansa maraeng mae ri bija pammanakangku, sanrapang tau battu pantara' mae ri daengku na andikku.

PAMMUJI 39:11

Kialle laloi hukkunganTa battu ri kalengku, saba' a'birimma' mate napakamma pannunrunTa.

PAOLE 8:5

U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

PAMMUJI 94:10

Ia angngajaraki bansa-bansaya, maka tenaka Nahukkungi taua? Ia a'jari guru mae ri sikontu taua, maka tena pangngassenganNa?

PAMMUJI 6:1

Untu' pamimping pakelonga. Nirurungangi ri kacapi. Situruki lagu makasagantujua. Pammujina Daud.

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

2 KORINTUS 6:9

Nikanamo tau tena angngassengki', mingka niasseng ngasengki' ri tau jaia. Nikana mate maki', mingka ma'nassa attallasa' ijaki'. Manna kinisessa, mingka tamateajaki'.

YOHANES 2:17

Nau'rangimi ana'-ana' gurunNa apa niaka tattulisi' lalang ri Kittaka angkanaya, “O Allata'ala, ia pangngaiKu ri BallatTa, sanrapangi pepe' akkanrea ri atingKu.”

PANGNGEBARANG 15:10

Tau a'gau' ja'dalaka lanisessai; tau taeroka nipasaile lamatei.

GALATIA 4:18

Memang bajiki punna lompo sumangatta mae ri apa-apa kabajikanga. Assala' tuli kammana anjo. Tena nangkana iaji punna niakka' ri tangnga-tangnganu.

ZEFANYA 3:2

Cilakai kota tenaya naero' antarimai pappakainga'Na Batara, siagang tenaya todong naero' anjampangi pangngajara'Na, tenaya naero' ampappirannuangi sarenna mae ri Batara, siagang tenaya nappala' tulung mae ri Ia!

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

MATIUS 25:7

Ambangummi anjo sampuloa tulolo na massing naparinra sulona ke'nanga.