PAPPICINI' 3:17 - KITTA' MATANGKASA'

¹⁷ Nukana ngaseng: Akkalumanynyangko siagang ganna' mako ri katallassannu; tenamo apa-apa kakurangannu. Mingka tanuassengai kalennu angkanaya teai sipato' kasi-asinu, siagang teai sipato' appakasi'nana katallassannu. Kasi-asiko, assolarakko, siagang butako.

PAPPICINI' 3:17 Referans Kwoze

PANGNGEBARANG 13:7

Nia' tau a'gau' kalumanynyang, natena apa-apanna; nia' tau a'gau' kasi-asi, nakalumanynyang kalupepeang.

HOSEA 12:8

Nakana Batara ri bansa Israel, “Jekkong ngasengko sangkamma tu Kanaan; sikamma padanggannu nangai natipu sambalu'na ammake timbangang tenaya nannaba.

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

ROMA 7:24

Jari kammaminjo katallassangku: kuturuki hukkung-hukkung battua ri Allata'ala, siagang pikkirangku, mingka sipa'-sipa' ma'rupatauku mannuruki mae ri dosaya. Teai sipato' cilakaku anne! Inaimi ero' ampasalamaki anne batangkalengku, eroka mange ri kamateanga? Sukkuruka' mae ri Allata'ala! Nasaba' Iami ampasalamakka' tete ri KalenNa Isa Almasi.

LUKAS 1:53

Nabassori inai cipuru', battu ri kabajikanNa naNabongka tu kalumanynyang a'lampa tamangngeranga.

MATIUS 9:12

Nalangngere'na Isa pakkuta'nanna ke'nanga, appialimi Isa Nakana, “Tu tenaya nagarring tena naparallu ri dottoro', passangalinna tu garringaji.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

PA'JARIANG 3:7

Silalonna memang le'ba'na nakanre anjo rappo kayua, tassungkemi akkala'na ke'nanga siagang naassemmi kalenna ke'nanga assolara'. Jari nakalimbukimi kalenna ke'nanga siagang leko' kayu naanyanga ke'nanga.

2 PETRUS 1:9

Mingka tau tenaya sipa' kammana anjo, bodoi pikkiranna; takkulleai accini' siagang nakaluppai angkanaya le'ba'mi nitangkasi dosa-dosana allaloa.

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

LUKAS 6:24

Mingka cilaka ngaseng mako tau kalumanynyanga ri kamma-kammaya anne; nasaba' nukasia'mi apa-apa nungaia!

ZAKHARIA 11:5

Sikamma tummallina lanabunoi anjo sikamma gimbalaka natanggappaya hukkungang. Nakana ke'nanga anjo tau ambalukangai dagenna anjo sikamma gimbalaka, ‘Nipujimi Batara! Kamma-kamma anne pila' akkalumanynyangki'!’ Anjo sikamma pakalawakia tena pangngamaseanna mae ri sikamma gimbala' piarana ke'nanga.

KALAPPASSANG 32:35

Nampa Napabattumo Batara balaya mae ri sikamma anjo taua, lanri napassana Harun ampareki anjo patung sapi bulaenga.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YESAYA 42:19

Inai la'bi buta na atangKu Israel? Inai la'bi tongolo' na tunisuroKu?

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

PAPPICINI' 3:16

Mingka kammu'-kammu' kanukuko: tena nubambang, tena todong nudinging. Iaminjo saba'na nalaKulangngeangko assulu' battu ri bawaKu.