PAPPICINI' 22:14 - KITTA' MATANGKASA'

¹⁴ Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

PAPPICINI' 22:14 Referans Kwoze

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

PAPPICINI' 22:7

Nakana Isa, “Parhatikangi anne! Tenamo nasallo Kubattu. Maupaki tau amparhatikangai kana-kana nipau la'bi rioloa memang lalang ri anne kittaka!”

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.

YOHANES 14:15

“Punna nukamaseangA', lanugaukangi sikontu parentaKu.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

1 KORINTUS 7:19

Nasaba' nipinawangi yareka tena anjo paratorang sunnaka, rua-rua tena naparallu. Ia parallua iamintu mannurukia ri sikamma parentaNa Allata'ala.

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.

YOHANES 10:7

Sikalipa pole Nakana Isa, “Annaba tojengi anne kanangKu: INakkemi timungang naoloa gimbalaka.

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

PAPPICINI' 21:12

Tembo'na attammulili sanna' lompona siagang tinggina; nia' sampulo anrua pakke'bu' lompona, na nijagai ri sampulo anrua malaeka'. Massing nia' tattulisi' ri anjo pakke'bu' lompoa areng-arenna anjo sampuloa anrua suku bansa Israel.

1 KORINTUS 9:5

Maka tena nakusiratang angngerang sitau baine tu ri ballakku lalang lampaku, sangkamma nagaukanga sari'battanNa ngaseng Batara Isa, siagang tunisuroNa Allata'ala maraenganga, kammaya Petrus?

1 KORINTUS 8:9

Mingka tutuko! Gassingka passabakkang sangka' rupana nugaukang na'jari doraka todong tau maraenga, lanri tenanapa najarre' tappa'na ke'nanga.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 4:12

Boe-boena ikambe iamintu Yakub ansareki' anne bungunga. Ia kalenna, battu anrinni tongi angngalle je'ne' lanainunga; kammayatompa ana'-ana'na siagang olo'-olo' naparakaia, anrinni ngasengi angngalle je'ne' inung. Maka Kikana lompoangangKi' na Yakub?”

DANIEL 12:12

Mate'nei ke'nanga tau tuli majarreka sa'genna allo maka 1.335.

PA'JARIANG 2:9

Napatimbomi Karaeng Allata'ala sangka' rupa poko'-poko' ga'ga, bajika rapponna. Ri tangnga-tangngana anjo kokoa nia'mo attimbo poko' assarea katallassang, siagang poko' assarea pangngassengang ri passala'na bajika siagang kodia.

PA'JARIANG 3:22

Nakanamo Karaeng Allata'ala, “Kamma-kamma anne a'jarimi rupataua sangkamma iKatte siagang naassemmi ke'nanga passala' nikanaya baji' siagang kodi. Jari parallui nijagai sollanna tena nakanrei rapponna anjo poko' kayu assarea katallassang, sollanna tena nakkulle attallasa' sa'genna satunggu-tungguna.”

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

PAMMUJI 118:20

Iaminne pakke'bu' lompoNa Batara, tau lambusuka bawang akkulle numalo.