PAPPICINI' 21:25 - KITTA' MATANGKASA'

²⁵ Latassungkemi sikamma pakke'bu' lompona kotaya sila'busu' allo; tenamo nalatattongko', nasaba' tenamo bangngi anjoreng.

PAPPICINI' 21:25 Referans Kwoze

YESAYA 60:11

Allo bangngi latassungke pakke'bu' lomponu, sollanna akkulle nierang mae ri kau kakalumanynyanganna sikamma bansa-bansaya, siagang sikamma karaenna ke'nanga nitahanga.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

ZAKHARIA 14:7

Ri anjo alloa tenamo sassang. Tuli lasingara'na alloa, manna pole ri wattunna bangngi. Mingka Bataraji bawang angngassengi angkanaya ringngapanna nalabattu anjo alloa.

YESAYA 60:20

Lania' untu' ikau allo tenaya nale'ba' labu, siagang bulang tenaya nale'ba' assoloro'. Saba' iNakke Batara, la'jari singara' mannannungang mae ri kau, le'ba'mi sallang wattu kasusannu.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

PAPPICINI' 21:12

Tembo'na attammulili sanna' lompona siagang tinggina; nia' sampulo anrua pakke'bu' lompona, na nijagai ri sampulo anrua malaeka'. Massing nia' tattulisi' ri anjo pakke'bu' lompoa areng-arenna anjo sampuloa anrua suku bansa Israel.

PAPPICINI' 21:15

Anjo malaeka' a'bicaraya mae ri nakke nia' takkang bulaenna, untu' napake angngukkuruki anjo kotaya, sikamma pakke'bu' lompoa siagang tembo'na.